L’ISTITUZIONE AUROPEE

L’urganisazione Aurupea pò esse vista cum’è l’urganisazione d’un paese demucraticu, vene à dì chì i puteri esecutivi, legislativi è ghjudiziarii sò staccati. Anu l’eletti chì riprisentanu a pupulazione di i sfarenti paesi membri.
Ci vole à dilla, certe istituzione sò cumposte di parsone ch’ùn sò micca elette di manera diretta da u populu.
Per esempiu u Cunsigliu Aurupeu, ghjè incaricatu di dà e priurità pulitiche nantu à e quale ci vole à riflette è agisce. Si cumpone di tutti i capi stati di i paesi membri. Di sicuru i prisidenti sò eletti da i so populi ma à u principiu ùn sò micca eletti pà raprisintalli à u livellu aurupeu.
À u cuntrariu, pudemu vutà pà i nostri deputati à u Parlamentu Aurupeu.
St’elezzione ùn hè mai cunsiderata da e pupulazione. Pè disgrazia, a participazione ùn hè micca impurtante.
U parlamentu si cumpone di cummissione incaricate di fà e lege nant’à sugetti precisi.
Ste lege si facenu incù a cullaburazione di a Cummissione Aurupea.
Sta cummissione hè dinò incaricata, incù u Cunsigliu di l’Unione, di mette in opara e decisione di u Parlamentu.
E decisione pigliate è e lege vutate anu un impattu direttu nant’à a nostra vita cuttidiana.
Per esempiu, l’ambiente, e finanzie o puru l’agricultura.
Piglienu a suprana nantu à e lege di i paesi di l’Unione. Vene à dì chì, sè una lege aurupea hè cuntraria à a custituzione, ci vole à principia una rivisione custituziunale pà mettessi in regula.
Sicondu à a piramida di Kelsen, a custituzione d’un paese si trove à u più altu indè a ierarchia di e norme, vene à dì chì tutti i trattati internaziunali è tutte e lege naziunale devenu esse in cunfurmità incun ella. Ma ùn si pò micca vultà nantu à un ingagiamentu internaziunale.
Dunque hè a custituzione chì deve esse mudificata.
Videmu allora l’impurtanza di e decisione aurupee è dunque l’impurtanza d’elleghje e ghjente cumpetente.
Per esempiu sè l’Auropa decide di ricunnosce e lingue regiunale di i paesi membri, devenu tutti aduprà sta nova regula. A Francia duvaria scambià a so custituzione è accetà per esempiu di ricunnosce a lingua corsa à u nivellu naziunale. U Francese ùn sarebbe più l’unica lingua di a Republica.
Esistenu ancu ind’è l’istituzione Aurupee i cumitati particulari cum’è per esempiu u CDR (cumitatu aurupeu di e regione). Hè cunsultatu quandu una lege pò avè un impattu direttu è specificu.
Per esempiu ind’è u duminiu di a salute, di i i trasporti o di l’energia.
Hè cumpostu di membri di l’auturità lucale. Per raprisintà a Corsica Gilles Simeoni o ancu Marie-Antoinette Maupertuis facenu parte di stu cumitatu. Sò incaricati di fà vale e specificità lucale per ch’elle sippiinu prese in contu ind’è e decisione.
Tutti l’eletti chè no vutemu di manera diretta o nò pà raprisintacci à u livellu aurupeu anu dunque un pesu impurtante.
Ùn ci vole micca à pinsà chì l’Auropa hè luntana di i nostri prublemi. Si tratta di decisione chì piglienu a suprana nantu à l’altre lege. Hè dunque impurtante d’esse riprisintati è ben intesa riprisintati bè …

Capture d’écran 2018-12-29 à 18.07.31.png

Lasciate un cummentu ?

Ce site utilise Akismet pour réduire les indésirables. En savoir plus sur comment les données de vos commentaires sont utilisées.