Natali – Chjara Maria Tomasi

Natali

Bianchina s’hè fatta nova, accenda di i so spechji
Piaghja mari muntagna, è li monti i più vechji
Un velu di nebbia trapana la pumposa natura
Rigala à quiddu chì ci prova, sta biddissima pittura

Sò tempi d’ori è di festi, chì fiuriscini dicembri
Freddu, cotru è ventu ma diletta sempri
Issa stonda cilesta chì di dilizia è d’armunia
Disceta i nosci cori cùn dolci pulifunii

Fendu u pinu trà lumi è lustu, tutt’ognunu s’addunisci
D’a casa spampiddulenti, l’amori s’impadrunisci
Natali arradicheghja aligria in ogni menti
Chì tutt’a nuttata sighi un divinu mumentu

Mezanotti dindona, natu hè lu Ghjesù
U mondu cant’a so Gloria, è tutta la virtù
D’a so divina madre, donna casta, dolci è pia,
Di u pargulettu altieru, la Vergine Maria

-Chjara Maria Tomasi

Lasciate un cummentu ?

Ce site utilise Akismet pour réduire les indésirables. En savoir plus sur comment les données de vos commentaires sont utilisées.