I Nobili Dodeci

I Nobili Dodeci hè un’istituzione chì hè stata creata à a fine di Medievu durante a duminazione genuvese di a Corsica. I statuti di u 1571 sò stati stabiliti cù l’accunsentu di i Corsi è in u rispettu di e tradizione. 

St’istituzione era una spezia di picculu senatu, chì riprisentava tutte e parte di l’isula è chì cunsiglia u guvernatore. À l’epica di Pasquale Paoli, i Nobili Dodeci sò stati sminticati è po sò stati ristabiliti cù un regulamentu di u 16 aprile di u 1770. Ma fin’à a Rivoluzione, ùn sò micca stati cusì efficaci.

Dodeci membri custituiscenu st’istituzione è era a sola riservata à i Corsi inde l’amministrazione genuvese. Dodeci riprisentanti eranu eletti ogni annu ognunu pè un mese. U Nobili Dodeci di u mese accumpagnava u guvernatore in ogni locu pè cunsigliallu. L’elezzione di sti nobili era definita in parechji scritti da u 16simu seculu à u 18simu seculu. In u Pumonte, l’urganizazione vinia da a Tarra di u Cumunu, eranu scelti à l’incertu trà 36 eletti durante una veduta cù i delegati di e pieve sott’à a presidenza di u guvernatore. A Balagna, u Nebbiu, è Bastia facianu parte di st’elezzione ma micca u Capicorsu è l’altri presidii. I sei Nobili di u Cismonte eranu eletti da i procuratori di e pruvince d’Aiacciu è di Sartè sott’à a presidenza di u cummissariu. Stu sistema hè statu messu in ballu da A Republica di Genuva pè sfrancassi d’avè persunalità pulitiche appressu à u putere. 

St’istituzione era riservata à e vechje famiglie di Capurali è di Pupulani chì eranu u fiore di a nubilità. E piazze eranu care più pè u prestigiu chè pè l’influenza di sta carica. Cù u tempu c’eranu ancu i membri di a Chjesa è nobuli menu prestigiosi chè i Capurali è i Pupulani. 

Anu fattu assai assai cose durante a siconda metà di u 16simu seculu è à l’iniziu di u 17simu seculu, è po sò smariti pianu pianu.