Scaldu

È issu sole chì m’agguanta
Purtendumi for’di stagione
S’è lu celu ùn s’ammanta
Sarà nova la prigione.

Eranu tante le frante
D’aprile in sta regione
Avà ùn sò mancu più pronte
N’hè di l’omu la cagione

È lu caldu firmarà
Serà causa d’a mo morte
Ancu s’è vi piace à l’ochji
Hè gattiva la mo sorte

Lu mo fruttu imbellitu
L’aspittate à core scioltu
À mumenti, ne sò cunvintu
A mo terra serà vinta

È s’è ùn avete capitu
Sò un amandulu fiuritu
Da lu tempu incuriusitu
Seraghju prestu inguizzitu

Da la vuluntà umana
D’avè tuttu è sempre troppu
Chì mi face, ancu oghje
Spuntà, sperà, dicade

Tandu ormai mi voltu
Versi lu dumane Ascoltu.

Lasciate un cummentu ?

Questo sito usa Akismet per ridurre lo spam. Scopri come i tuoi dati vengono elaborati.