Michelangelo

Michelangelo Buonarroti Simoni hè natu à Caprese, in Tuscana in u 1475. Da chjucarellu hà sempre avutu a passione pè u disegnu, è diventarà l’elevu di Domenico Ghirlandaio, un grande pittore fiurentinu, in u 1488.
U so talente hè scupertu subitu subitu da u pittore è ancu da Lorenzo di Medici chì li farà fà assai pitture è sculture. À a morte di Lorenzo, Michelangelo si n’anderà in Roma è ci starà da u 1495 sin’à u 1501. Durante stu tempu, farà parechje sculture pè cardinali ma e so creazione sò troppu creative è Jacopo Galli diventerà u so mecenu. In u 1501, Michelangelo torna in Firenze, pè scultà u famosu Davide.
In u 1503, u papa Ghjuliu II chjama à Michelangelo è face a so tomba, opera magnifica chì sarà compia in u 1545 è sarà più semplice chè ciò ch’era previstu da u papa. Ghjuliu II li dumanderà ancu di copre d’affreschi tuttu u pianaghju di a capella Sixtine. Michelangelo travaglierà solu da u 1508 à u 1512, unu di i tisori di a storia di a pittura hè natu.
In u 1515, Michelangelo turnerà in Firenze pè compie a chjesa San Lorenzo, ma stu prugettu ùn finiscerà mai. Da u 1519 à u 1534, Michelangelo spenderà a maiò parte di u so tempu annantu à prugetti d’architettura, cum’è a bibliuteca di San Lorenzo è e furtificazione di a cità.
In u 1534, Michelango si ne và in Roma una volta per sempre. U papa Paulu III u farà pittore, scultore è architettu di u Vaticanu. Farà trà u 1537 è u 1541 un novu affrescu in a cappella Sixstine,  « L’Ultimu ghjudiziu ». Ma ùn si pianterà à què: trà u 1542 è u 1550 farà e decurazione di a cappella Paolina, cù dui affreschi : « A cunversione di San Paulu » è « u martiriu di San Petru ». À a fine di a so vita, Michelangelo si cunsacrerà soprattuttu à l’architettura è à a fine di a ricustruzzione di a Basilica di San Petru.
More u 18 di ferraghju di u 1564 in Roma.
Eccu trè di e so opere e più famose :
A cappella Sixtine (1508-1512 è 1537-1541)
U David (1501-1504)
A pietà (1499-1500)

Lasciate un cummentu ?

This site uses Akismet to reduce spam. Learn how your comment data is processed.