I GIOVANNALI

In l’anni sissanta, Mathée Giacomo-Marcellesi, famosa linguista corsa uriginaria di Cuò, vicinu à u paesu di Sotta, hà arrigistratu accuratamenti i foli di i loca rucchisgiani.
Eccu una storia chì sarà forsi a più cunnisciuta di a pievi, quidda di I Giuvannali in Carbini, una razza di cummunità cristiani chì fù scummunicata da u guvernu di u Vaticanu.
Quì si conta allora a raghjoni di sta furia papali ch’avaria fattu passà i Giuvannali pà una vera setta d’eretichi ch’avia pratichi più o menu cristiani…

Diciani chi l’ajenti di Carbini (ghje digu ciò ch’ e’ aghju ‘ntesu cuntà, digu ciò ch’ e’ aghju ‘ntesu) andaghjiani ‘n ghjesia, si chjudiani à chjavi, à u bughju, é unghjunu piddaia un ommu o una donna, à bulighju, ommini é donni. Una notti, hani taddatu annant’ à quidd’ altru un pessu di coda, un pezzu di scusali, un pezzu di casacca, é u lindumani, hani vistu ch’idd’ eran’ andati à chi incù a fiddola, à chi incù a mamma…

L’hani scummunicati. Alora, hani circatu di fughja. Hani circatu di fughja pa Santa Manza, sò passati pa i stritti, na muntanghja culà, l’hani tumbi tutti. Quiddu locu, dicini chi u chjammani I Stritti di l’Arasia.
Dopu, hani dittu ch’ idd’ erani cummunisti, ma ghje un la credu micca…

Lasciate un cummentu ?

This site uses Akismet to reduce spam. Learn how your comment data is processed.