Trump o a strategia di l’unilateralismu cummerciali

In lu 1964, François Mitterrand scrivia un libru di referenza pà i studienti scientifico-pulitichi “u colpu di statu permanenti”. U capu di a manca non cumunista tracciaia un ritrattu à u vitriolu di l’istituzioni di a quinta Repubblica, i cundizioni in quali ani stabilitu è a pratica di u puteri di u so invintori. U primu avvena Sucialista di a Quinta Republica ùn hà imbarrazzatu una volta à u puteri di i riservi chì sprimia in stu libru è si metti à aduprà senza statu di spiritu, parchì u so prestige più maiò, a lettara e di sti istituzioni chì eddi ghjudicavani nifasti.

Da Donald Trump, pudaria scriva u “pugnu permanenti” induva a furia di tweets cambia ind’è u verbu, induva l’affari di u mondu adoprani u locu di l’istituzioni. Stu libru, i dirigenti aurupei pudarani scrivalu insemi.

Senza dubbitu, Bruno Le Maire, à lu talentu littarariu incuntestevuli, saria inspiratu pà scriva un capitulu à u sughjettu di a instaurazioni di diritti duganali annant’à l’aluminiu è l’acciaru decisi da Donald Trump u 4 di marzu di 2018. In marghjini di una riunioni in Washington di u Fondu Munetariu Internaziunali è di a Banca Mundiali, u Ministru di l’ecunumia è di i finanza, si pò riiterà chì l’Unioni Aurupea ùn pò micca viva incù a spada di Damoclès annantu à a testa, ùn cambia nunda à a strategia di Trump d’affruntamentu permanentu. Rapidamenti, a risposta hè urganizzata di manera tantu disurdinata chì ognunu spera chì Donald Trump farà un attu altruistu in nomu di l’amicizia transatlantica. Ma u presidenti americanu ùn si firmò tandu strada fendu . Hà proseguitu un scopu chì trapassa u casu simplici di i vechji alleati aurupei, à sapè à instaurà un bracciu di farru incù a Cina. In fatti, u mastodontu poni u veru prublema pà l’indùstria americana. Lu squilibriu in favori di l’imperu di a metà irrita à u puntu più altu à Donald Trump.

Cusì, in lu 2017, l’eccedenti cummirciali di a Cina incù i Stati Uniti cuddaia à $ 375 milliardi, sicondu à Washington, un liveddu primatu chì ùn hà riposu a crescia. In lu 2017, l’eccedenti Cinesu hà spiccatu di 10% incù Uncle Sam. À lu primu trimestru di lu 2018, u scoppiu di deficitu cummirciali americanu era di 19% o di 58 miliardi in più di un annu. U troppu stroppia pà Donald Trump. U mumentu d’intarvena hè ghjuntu. Pà un longu tempu, u presidenti americanu hà vuciferatu: duranti à a so campagna alitturali, in lu 2016 è dipoi ch’eddu ghjunsi à a Casa Bianca. Un hà paci di ripeta chì stu deficitu era imputevuli a i maneri sliali di a Cina. Solu Donald Trump ùn ha micca persu u tempu. Quandu i so pridicissori chjamaiani à Cina à rispittà i reguli di u cummerciu mundiali, u presidenti americanu hà aumintatu i tariffi di l’aluminiu di 10% è si 25% pà l’acciaiu. A Cina, espurtatori impurtanti di tutti i materiali, era in ligna di mira. Donald Trump hà purtatu issa pulitica di manera unilaterali senza u so alliati Aurupeu. Di fronti à iss’affari, ani timpestatu…

A tattica di u Presidenti americanu hè quidda di u « passaghju in forza », a vulintà d’ impona una visioni di i cosi è di custringhja à l’altri à pidda una pusizioni in seguitu.I niguziazzioni intarvenini dopu à a decisioni . L’imprevisibilità, a corsa di velocità sò l’elementi motori d’issa pulitica. In lu scaccu “trumpiste”, u segnu hè di andà subitu ind’è l’avvirsariu pà catturà u rè, pidda a chissia par surpresa annantu à l’avvirsariu. I Cinesi l’ani capitu. Sani ch’eddi t’ani u vantaghju, i tambustati di Trump ùn sò micca fundati annantu à un calibru puliticu. Sò ancu chì i Stati Uniti sò in una pusizioni di dependenza ecunomica cummerciali è à a fini di u successu, a Cina hè u primu ospitu ind’i Stati Uniti pà i finanziamenti.

I Stati uniti vogliani riducia di 100 milliardi u so deficitu cummerciali. Sopratuttu, Trump via issa strategia, vedi à long’andà. A prutezzioni di i brivetti tecnulogichi, a quistioni di u trasferimentu di tecnulugia hà tandu à u cori di i discussioni in corsu è induva sfarenzi maiò fermani comu a pò dì ogni parta. Ma l’accordu trà i dui più maiò ecunumii di u mondu ùn hè impedibili.
A scunfitta di issi neguziazioni sarà podassi l’Unioni aurupea. Incapaci di risponda à i colpi successivi di l’amministrazioni Trump, i paesi aurupeni riscani di cunnoscia i cunsequenzi d’iss’accordu. Incù Trump, l’aurupei si devini accurdà pà purtà una risposta apprupriata. Se no, sarani a variabuli d’aghjustamentu di li rapporti sino-americani d’issu seculu.

Lasciate un cummentu ?

This site uses Akismet to reduce spam. Learn how your comment data is processed.