A Casa di Minnanna – Chjara Maria Tomasi

Puema chì sprimi a biddezza è u locu di paci chì sò i casi di i nosci Minnanni. Pocu impremi s’eddu ci sò i peghji danni di u mondu chì ci accadini, s’eddu ci sò morti, u mal’ochju ecc…. In casa di minnanna, accantu à u caminu, si stà sempri bè.

A casa di Minnanna

S’eddu zinghi u focu
In zidda di Minnanna
Tandu ùn ci hè altru locu
Duva ùn ci sia danni

A stedda matutina
Viva, spampilluleghja,
Da a sera à matina
È Diu ci fideghja

À u fà di a notti,
Si taci a campagna
Si svegliani i morti
Si scita a muntagna

Burula a malacedda
Fin chì ci sia a mani
Ma ci stà sempri a fedi
In casa di Minnanna.

Leave a Reply