A gallina a ove d’oru

« Chi troppu vole, perde tuttu,
Perde u fondu e perd’u fruttu ».
E per mustralla chiaramente,
Ecc’un fattu chi beramente
Ne dà prova schetta schetta.
Or, stade a sente à sturietta:
Un avarone avia una gallina
Chi a u pullaghiu ogni matina,
Li facia un’ovu d’oru.
Pensô ch’in corpu avia un tesoru !
Li torse u collu per pigliallu
Ma diventô giallu, giallu
Truvendu e so stintine
Cume qu’elle di l’altre galline,
E cusi fù privu d’una furtuna
Bulendu cullà più in sù che a luna.
Quanti è quanti si ne vede
Chi bolenu tuttu prevede
So pressati d’esse ricchi
E so tosi e musi fichi.

Leave a Reply