A famidda “Ubuntu” : L’alternativa lighjera à u vosciu Windows tradiziunali

Sabatu, 10 ori di mani.

Seti ind’è u vosciu vinditori d’infurmatica.

U vinditori vi pruponi 2 scelti di PC è un Mac.

U primu, sott’à Windows 10, 4 Go di mimoria, discu rigidu di 500 Go, prucessori Intel Core i5. 450€

U sicondu, sott’à Ubuntu 18.04, listessa cunfigurazioni, 350€.

U Mac, sott’à macOS 10.13, cunfigurazioni vicina à i dui primi, 1200€.

U vinditori vi spiega a sfarenza trà i trè. U primu hè un PC classicu, incù u sistemu Windows 10, (2015) prisenti annantu à più di a metà di i PC, sensibuli à i virus.

U sicondu hè classicu, mà incù un sistemu Linux, prisenti annatu à 3/4 % di l’urdinatori, cunnisciutu pà essa stabili, più lighjeru è guasgi senza virus.

U terzu hè un Mac, aduttatu da una maio’ parti di studienti è di « cadres sup ». Alta gamma, caru è di basa vicina à Linux/Unix.

Incù a voscia limita di 350€ annantu à a voscia carta, aveti una sola scelta. U PC incù Linux.

Mà chì ghjè Linux ?

Hè un sistemu incù una basa di nacciolu libera è mudifichevuli da ciascunu. Pà parlà più chjaramenti, hè gratisi è libera d’usu quand’è quiddi di Windows o Mac sò “surghenti” sarrati è limitati à certi parsoni accittati da l’intrapresa.

Pà i parsoni lambda, Linux si prisenta sott’à a forma di centinaii di sistemi uperativi, (guasgi) tutti gratisi, quand’è Windows vi custaria à u menu 129€. I più famosi essendu : Ubuntu (Kubuntu/Ubuntu Mate/Xubuntu/Lubuntu/Edubuntu), Fedora, CentOS, Gentoo, Linux Mint, Debian, Manjaro, Arch Linux, Slackware, Mageia, Deepin, Q4OS.

Certi sò utilizzati pà riciclà i PC i più anziani (prima à u 2006), incù architetturi è scagni lighjeri : XFCE/KDE/LXDE.

Pà ghjustificà a voscia scelta di un PC sott’à Linux, vi prisintaremi i sistemi Ubuntu.

U Sistemu Ubuntu d’urighjini hè statu criatu (in basa Debian) in lu 2004 da Mark Shuttlewiorth, capu d’impresa Sudafricanu. A prima versioni era Ubuntu 4.101, d’Uttrovi 2004, A so apparenza hè stata riprudutta incù mudificazioni finu à Ubuntu 10.10 (Uttrovi 2010). Dopu, U sistemu Unity hà mudificatu i codici d’usu incù una barra laterali à a manca di u schermu è una barra supranaccia à a moda di MacOS.

Capture du 2018-04-29 09-43-27Unity 7 annantu à Ubuntu 18.04 LTS

A nova versioni hè basata annantu à u scagnu Gnome, dopu à l’abbandonu di Unity.

Sempri gratisi, hè prupostu pà i PC i più muderni sott’à u grafisimu di Gnome (>2 Go RAM) o di KDE (Kubuntu). Pà i PC i più anziani, hè sempri pussibuli d’installà à XFCE/LXDE, necessitendu à pocu pressu 512 Mo RAM.

Faremi, quì, una piccula dimustrazioni annantu à l’ultima versioni di Ubuntu LTS. Quidda di u 25 d’aprili di u 2018.

Capture d’écran de 2018-04-29 09-42-11Ubuntu 18.04 LTS.

In fatti, i versioni d’Ubuntu sò suppurtati 9 mesi pà i « nurmali » à 5 anni pà i versioni « LTS – Supportu longu ». Una versioni d’Ubuntu esci tutti i sei mesi, una d’Uttrovi, una d’Aprili è una tutti i dui anni hè spicificata pà l’usu à long’andà. L’usu d’issu sistemi hè sempri gratisi.

Oghji, vi prisintemi qualchi scagni, fendu un focus annantu à Ubuntu KDE (Kubuntu) à a seguita.

Pà davvi un idea, sì u vosciu PC hè assai anzianu, pudeti installà à Xubuntu.

ee6d9b3960258a1be049da56217e4466.media.pngXubuntu 18.04 LTS

O Lubuntu :

bureau-lubuntu-17.04.pngLubuntu 18.04 LTS

Mà, incu u vosciu PC à 350€, pudeti pruvà “Kubuntu”.

Screenshot_20180429_092405.png

Issu sistemu ferma assai lighjeru malgradu à u scagnu trasparenti. 0.65 Go vs 1.7 Go incù Windows 10.

Screenshot_20180429_092549.pngKubuntu 18.04 LTS : Mimoria utilizzata incù Libre Office in marchja

Windows 10 : Mimoria utilizzata à l’iniziu, senza applicazioni. Capture.PNG

Aveti a pussibilità di utilizzà Firefox pà andà annantu à Internet, Libre Office pà scriva ducumenti è ancu lancià l’applicazioni Windows incù WINE.

Aveti una scelta di più di 60000 applicazioni gratisi ind’è a lugiteca interna, senza andà annatu à i siti di scaricamentu classichi pà Windows è Mac. Ci sò ghjochi, stuviglii multimedia, di sviluppu, di grafisimu, di scrittura, di pianificazioni…

Screenshot_20180429_131823Lugiteca di Kubuntu 18.04

Hè una raghjoni pà a quali i virus ghjunghjini incù difficultà annantu à Linux, i surghjenti d’applicazioni sò, pà una maiò parti, interna.

Di più, à u cuntrariu di quiddi di Windows è macOS, pudeti cambià u mudellu di i scagni di Linux. Vuleti mudificà u sensu di a barra di a finestra o u menù? Hè faciuli da fà !

Screenshot_20180429_092436.pngKubuntu 18.04 LTS – Menù di l’applicazioni

Pudareti rimarcà chi’ l’apparenza di Kubuntu è veramenti simili à quidda di Windows.

Pà u vosciu PC à 350€, assai lighjeru, ùn vi cunsigliaremu nè Windows 10 nè Ubuntu “Gnome”, parchì a mimoria utilizzata saria troppu impurtanti, faria piantà u vosciu PC s’è numarosi applicazioni sò lanciati ind’è u listessu tempu.

Capture d’écran de 2018-04-29 09-42-04.pngUbuntu 18.04 LTS : mimoria utilizzata senza applicazioni

S’è solu 3 % di a ghjenti ani Linux ind’è i PC, più di 60 % l’usani annantu i telefuni è tablette, Android essendu una varianta di Linux. I “serveurs” sò in larga maghjurità sottu à Linux.

Fendu l’ecunumia di una licenzia Windows – più o menu 129€ – vi prutighjiti ancu da i virus è di u cunsumu impurtanti di mimoria.

Allora, basta à scaricà u sistemu annantu à Internet (Ubuntu Kubuntu par asempiu) è sarà prontu da quì à 25 minuti. Senza pagà.

 

1https://fr.wikipedia.org/wiki/Liste_des_versions_d’Ubuntu

 

Lasciate un cummentu ?

This site uses Akismet to reduce spam. Learn how your comment data is processed.