Masters 1000 di Monte Carlo

U Masters 1000 di Monte Carlo, famosu hè prima ghjostra di tennis nantu à a tarra battuta tocca à a so fine. Si ghjucava oghje l’ultimu quadratu, cumpostu da Rafael Nadal, Grigor Dimitrov, Alexander Zverev è Kei Nishikori.

A prima meza finale di u ghjornu, principiata à 2 ore hà vistu oppone si Rafael Nadal, vincitore 10 volte in Monte Carlo, è Grigor Dimitrov, ghjucadore talentuosu ma micca rigulare. Nadal forte di i so 34 sets vinti unu dopu à l’altru s’hè mustratu più paziente à u fondu di u cortu ma hà sapiutu stampà u so ritmu è u so lift à nantu à u revers di Dimitrov. Scorsu finale : 6-4 6-1 pà u spagnolu.

Nadal ritruvarà à Kei Nishikori in finale, dopu à a so vittoria contru à u ghjovanu Alexander Zverev (20 anni) numaru 4 mundiale in 3 sets. Una battaglia di duie ore trà dui ghjucadori regulari à u fondu di u cortu. A u primu set, Zverev hè statu più pulitu è a lunghezza di a so bala hà custrintu Nishikori à fà sbaglii tactichi. A u sicondu set, Nishikori hà alzatu u so livelu di ghjocu è a sviluppa un tennis di più agressivu cuddendu parechje volte à u filettu. U terzu set hà duratu guasgi un’ora, è Nishikori più fortu mentalamente hà realizatu u break à 4-5 pà vince u match. Scorsu finale, 3-6 6-3 6-4, u vincitore hè cusì divintatu, u primu ghjapanese in finale in Monaco.

Finale da seguità à nantu à Canal + sport dumane à 2 ore è mezu trà Nadal, grandissimu favuritu è Kei Nishikori in piena rinascita tennistica.

Lasciate un cummentu ?

This site uses Akismet to reduce spam. Learn how your comment data is processed.