U diploma, o l’illusione di l’emancipazione è di a meritocrazia ? Parte 1 : U destinu à u vìculu, desugualianza è riproduzzione suciale

« U dirittu à l’alleve hè veramente unu di i più difficiuli à cuntestà in teuria ; ma unu di i più difficiuli dinù à impone in fatti », Pierre Bourdieu.

Ancu sè a Rivoluzione francese dà à tutti l’omi è done di u paese e stesse libertà e capacità per gudè di quelle libertà ùn sò assicurate ciò chì falza i chjassi sculari

E nostre sucietà muderne anu sempre pensatu chì a scola è u diploma sò i mezi per selezziunà è riparte l’individui affinchè si pò appone a so pusizione suciale ghjusta. Quella selezzione si rivindica ghjusta perchè hè posta annantu à l’Ugualità di e cundizioni accadute grazia à a Rivoluzione francese chì hà sguassatu tutti i privileghji. Sta parolla hè stata criata da u denzanu di a suciulugia, Alexis de Tocqueville. A selezzione seria d’apressu à Max Weber, suciulògu tedescu, “ senza sbagliu, è razzionale. »
Nondimenu, pudemu cuntrastà sta analisa incù l’opera di Pierre Bourdieu, Camille Peugny è dinù cù quella di Amartya Sen. L’uttinimentu di u diploma cum’è chjava apprendu tutte e porte di l’avvene seria sucialamente determinatu è ùn seria a finalità di una lotta ghjusta trà i so cumpetitori. Ancu sè a Rivoluzione francese dà à tutti l’omi è done di u paese e stesse libertà ( libertà di spiazziamentu, di spressione, d’alleve ecc.), e capacità per gudè di quelle libertà ùn sò assicurate ciò chì falza i chjassi sculari. Quessu, face ribombu incù a tesa d’Amartya Sen in u so libru “ etica è ecunomia è altre prove” induve dice chì a ghjustizia suciale hè basata annantu à libertà effetiva, cioè “ a pussibilità di cumpì diverse combinazione pussibile di modi di funzionamentu o manere d’agisce è d’esse”. Chì vi siate esiti da una urigine populara o superiore, e vostre pussibilità seranu sane sane falzate à causa di sfarente dutazioni iniziale di capitale culturale è ecunomicu chì daranu vantaghji à quelli chì ne anu di più. U capitale culturale, parte dà u capitale umanu è elementu maiò di a teuria bourdieusina, insegna tutte e risorze culturali di l’individui. Sta nuzione hè smizzata in trè parte: una forma incurpurata, si chjasma l’habitus culturale. Si cunstruisce per sucialisazione successive è inchjude, per esempiu, l’aghjevulezza suciale è a capacità à sprimassi in publicu. Una forma ubbiettiva : sò i bè culturali ( libri, pittura ecc). Per apprupriassi un bè culturale, ci vole prima apprupriassi l’habitus culturale ghjustu. Infine, ci hè a forma istituziunalizata : hè u diploma. U so valore dipende ancu ellu di a so pusizione suciale trà tutti l’altri, ci sarebbe allora u diploma superiore è u diploma inferiore. Infatti, i nostri antenati ùn danu solu risorze ecunòmiche ma dinù u sappè ch’elli anu ancu ricivutu in scola. Quelle risorze facenu parte di u capitale chì l’individui usara per risolve prublemi in scola o in altrò. Anu da riceve in u so capitale ciò chì hà da assicurà un vantaghju maiò, à un cuntrariu d’altri individui chì anu ricivutu pocu capitale culturale durante a so zitellina. Quelli chì anu un vastu capitale culturale averanu ciò chì si chjama spessu “cumudità” chì sò sappute solu da a so famiglia. Appena principiata a scola l’individui ùn serianu stabiliti annantu à linea di partenza cum’è à u 100 metri ma serianu stabiliti dà u più à u menu forte cum’è a Formula 1 incù vantaghju per u megliò. Cusì, sappemu digià quale hè ch’hà da vince a cursa.

Ci hè solu 13% di studienti in SPAC chì sò d’urigina suciale pupulare tandu chì sò 30% di a populazione francese

Cusì, hè una macera sana di a teuria weberina ma dinù tocquevillina chì hè quistiunata : l’Ugualità di e cundizioni seria solu un miragiu è u diploma un’istituzione incù u solu scopu di riproduce u stessu schemà culturale è ecunòmicu pruveniendu di a so urigine sociale è famigliale. In somma, eredi cum’è u nome di un libru di Pierre Bourdieu. U diploma apreria e porte di l’avvene solu à una frazzione determinate sucialamente di a pupulazione. Quella cunsanguinità di u scema esitu di e stesse urigine suciale, e stesse scole francese (pigliemu l’esempiu di a Francia) cum’è Sciences Po, l’X, Mines, l’ENA è ancu Dauphine mostra chì u diploma ùn hè un strumentu d’emancipazione perchè hè predestinatu à una parte di a populazione. Per esempiu, a diversità suciale in l’ambiente di e Scole di Priparazione à l’Alte Scole (SPAC) o prepas hè debule. D’apressu e statistiche di u Senatu francese fatte in u 2013 ci hè solu 13% di studienti in SPAC chì sò d’urigina suciale pupulare tandu chì sò 30% di a populazione francese. I studienti d’urigine superiore formanu a parte maiò perchè sò più di 50% di tutti i studienti tandu chì sò trà 18-23% di a populazione francese d’apressu à e statistiche di e Categurie sucio-prufesiunale (CSP). L’individui seria allora determinati sucialamente è a so “vera” libertà hè sfarente secondu a so urigine suciale di nascita.

Per compie sta parte a tesa di u libru di Camille Peugny chì hè dinù u titulu di a prima parte di l’artìculu hè chjaru è a so cunclusione indiscutevule. Dapoi a fine di a trenta gluriosi, u sistema d’alleve è di furmazione ùn hè adattutu per assicurà a stessa upportunità trà l’individui. U diploma ùn hè più tantu u sesame speratu d’emancipazione per u travagliu per e categurie pupulare chì sò avà intrappulate in una spira di sclassificamentu incù e categurie mediane di a populazione. E pussibilità di riuscita sò ridotte è u fiascu frà e categurie inferiori hè più altu cumparatu à e categurie superiore. D’apressu à “ relations école familles populaires et réussite au CP” di Gérard Chauveau è Eliane Rogovas-Chauveau 25% di i zitelli in CP anu difficultà maiò per leghje o scrive; 75% di quelli sò d’urigine pupulare. Trà u dirittu à l’alleve è a realtà ci hè un chjuvone.

Lasciate un cummentu ?

This site uses Akismet to reduce spam. Learn how your comment data is processed.