Quest’articulu hè in partenariatu cù a squadra di u podcast Culture 2000 (Fréquence Moderne). Putete ritruvàlli nant’à Twitter, Facebook, Instagram, Spotify è Deezer, è nant’à u so situ : https://frequencemoderne.fr/project/c2000
Vi prupunemu un scontru cù una razza di piratu sfarentu di u marinaru: i pirati infurmatichi. Un semu micca interessati da i cibercriminali, quelli ch’arrubanu e vostre infurmazione bancarie per offre si i vacanzi in Dubai ? Innò, noi priferiscemu i cibermilitanti è hacker attivisti, detti i « hacktivisti » incù un « h » aspiratu. Quest’ultimi anu belli scopi altri chì i primi, eppuru, l’imaghjina ughjinca campendu in a mente di u lettori stà a stessa: I hackers com’è Anonymous, Julian Assange è d’altri ripprisentanu un piriculu per a sucità. Un saria micca l’inversu ? Ch’avemu un interessu maiò à ascultà è prutegà i « hacktivisti » ?
I “hackers” : principiu e valori
T’anu un scopu precisu i « hackers » : cambià a sucità ughjinca. E portanu valori: l’autonumia, a libertà, u spartimentu, a neutralità di u web è a lotta contru à a dissinformazione. Sti valori sò riassunti in a vulintà d’una demucrazia schjarita, chì i primi hackers sò esciuti da u muvimentu hippie à a fine di l’anni 60 in i Stati Uniti. Hè ancu pussibile ch’è certi aghjinu pigliatu di u LSD ! In ogni casu, hè maiora a so intelligenza, chì sò impassiunati d’infurmazione è di telecumunicazione, circhendu à via per truvà ogni macchina, ogni infurmazione senza piantassi. Pigliemu l’esempiu di Richard Feldman, durante l’anni 80 imbrugliava u so stampatoreper riparàlu è creà u lugiziale liberu : st’omu quì hè diventatu una celebrità. Pò, in l’anni 2000, ci voli à ramentassi chì i hackers anu creatu VLC, o ancu The Pirate Bay… Aiò, l’avemu tutti ghjà fattu. Caricà micca assai legalmente…
A u mumentu di i verani arabi, quessu diventa pulitica : l’umanità entre in l’epica di a Cibersurviglianza. L’impresi ne facenu i so fondi di cummerciu è vendenu a so tecnulugia à i Stati. Quessa raporta miliardi di dullari, quessa vale cumplittamente u ghjoccu.
I cumbattenti virtuali : u puliticu è u “Hack”
A u mumentu di i verani arabi, a so dimensione hè diventata pulitica : l’umanità entre in l’epica di a Cibersurviglianza. L’impresi ne facenu i so fondi di cummerciu è vendenu a so tecnulugia à i Stati. Sò una surghjente di miliardi di dullari, è quessu vale u ghjoccu.
Per esempiu in Libia, à u mese di nuvembre di u 2011 u regimu di Muammar Kadhafi hè cascatu. Scupremu ch’è una sucità francese di sicurezza, AMESIS, hà vendutu a so tecnulugia à i sirvizii di sicurezza libiani è li hà ancu datu i cartulari spiighendu a prucidura di surveglianza di pettu à l’aghjenti dissidenti annantu à u web, questi saranu marturiati da u regimu.
Grazia à ‘ssu sistemu di surviglianza ch’hè statu un’arma di guerra, i pirati infurmatichi sceglienu u so cliente: per l’imprese infurmatichi ? Per i Stati ? Per l’industria militaresca ? Per u rispettu di un internettu liberu ? I cibermilitanti, elli, anu decisu, è sò per un internettu liberu. Ma quessa ùn hè micca senza periculu.
Julian Assange, è ancu u lanciadore d’avvisu Edward Snowden chì anu svilatu i picculi sicreti di i sirvizii di sicurezza americani, fughjenu sempre minacci di morte.
A l’usu soii, tutti ‘ssi lanciadori d’avvisu, cibermilitanti è sbrugliavatori di l’estrema participanu à scuzzulà e cuscenze numeriche in u mondu sanu. L’arma prima: a so vulintà di tramandera è a prutezzione di a nostra vita privata annantu à u web. Sperganu chì l’aghjenti puderanu cuntinuà à cumunicà, ma cù i mezi technulogichi di qualità per diffende a nostra vita privata, cum’è u sciffraghju di i mails, o ancu a reta TOR chì s’assumiglia à una cipolla è chì ùn ghjova micca solamente à andà annantu à u dark web. Forsa chì vechju « OK Google” cascarà da quì à pocu ! Ma ferma una questione, vulete andà à u hackerspace è ammaestrà l’internettu liberu ?