Tempoli, tempi fà – Tredicesimu capitulu “U tredici”

U 24 di dicembri di u 2020.

Romain, elettu municipali di Tempoli, hè invitatu da Jackie à magnà pà a vigilia di Natali 2020.

Prima di l’aperitivu, Romain ascolta di manera pazienti issu funziunariu righjunali clienti di Michel è li dumanda :

« Cum’è sò elettu à a merria di Tempoli, vulariu sapenni di più annantu à u nosciu primu sustegnu, François Degereja, u presidenti di a noscia agglumerazioni. U cunnosci bè, mi avii dittu ? »

Jackie parla di a storia chì u lega à François.

Un ghjornu di u 1993, François – funziunariu à a righjoni – ùn era più incù Marie-Claire, dunqua. François veni à veda a moglia di Jackie, tandu, à u bar. Eddu, unu di i capiservizii di i risorsi umani à a righjoni, rientra in casa soia pà magnà è a so moglia di tandu dici :

« Tu sais que tu vas à Centallona de mercredi à samedi matin? François veut se défouler, il se sépare de Marie-Claire. Il a besoin de toi »

Jackie : « Ma hè tontu, Ceccè ! »

A moglia : « Bah de toute façon, les billets ont été réservés à la société de navigation pour aller sur l’île de Centallona, plus qu’à embarquer mon chéri ».

Jackie u chjama è François li spiega a situazioni.

Cusì, issu marcuri u 13 d’uttrovi di u 1993, 3 ori è mezu di mani.

François passa à circà à Jackie ind’a so casa.

Si ne vani pianu pianu da Tempoli, senza fà rimori.

Val’à dì chì ci voli 3 ori di strada pà ghjunghja à u portu di Sampedra « Póitu de Zamberra » , vicinu à Ferona.

À 6 ori è mezu di mani, ghjunghjini in Sampedra è i so tippali (falaises) di calcariu. Aspettani à a dugana, chì l’isula autonoma di Centallona dipendi da a Simania, altru paesi. Pinsendu à andà ind’i casino, François avia piattatu l’equivalenti di 40 000 franchi (sia 44 milioni di denari di Centallona).

Issi soldi, François li hà tirati da a vendita di un lucali d’artisti pittori in Monsalviaga (Tempoli).

Omu riccu è tandu funziunariu righjunali vicinu da a manca, voli cambiassi l’idei ghjuchendu incù u so amicu ind’i casino spicializzati ind’i macchini à soldi.

Ghjunghjini à 9 ori è vinti – un ora di navigazioni – ind’a piccula cità di Santa Rosanna di Colchira. Fughjini subitu vers’à a Muntagna d’Oru « Coppene de Oro », locu induva Jackie t’hà bar, risturanti è casi.

A Muntagna d’Oru, stazioni di ski à 1500 metri d’altitudina, locu induva si trova un casino chjamatu « La Botte ».

A 2 ori di u dopu mezionu, i dui amichì sò davanti à La Botte, incù 44 milioni di denari.

I soldi, i s’hè sbulati. Ma allora!

Sapeti ciò chì s’hè passatu ?

François hà fattu schiumà tutti i macchini à soldi di a Muntagna d’Oru à Jackie, tutta a pruvincia di a Colchira (Nord Centallona) essendu à u currenti d’issa spesa.

Centallona, locu induva nunda ùn costa caru. Cum’è a Sardegna rispettu à a Corsica o l’Andorra rispettu à Toulouse.

Una volta à u battellu, François – tandu omu riccu – ùn avia più un soldu à dichjarà à a dugana. Nudda. Zeru.

Orosamenti, Jackie avia ritiratu soldi pà pudè cumprà qualchi buttiglii d’alcool è altri articuli pocu cari quà.

Una volta intruti in Tempoli, u fiddolu di François avia scappatu da a casa. Jackie hà piattatu, sicondu à a dumanda di François, st’infurmazioni à i « carabinieri » è hà ritruvatu u fiddolu trè ghjorni più tardi, piattatu ind’a muntagna Tempolisi, vicinu à u Monti Lambera.

François, tandu, era impiegatu à a righjoni, intrutu incù l’aiutu di Jackie, unu di i rispunsevuli di i risorsi umani (Jackie hè statu missu dapoi à u « placard », quand’è i sucialisti sò stati cacciati da u puteri).

Ci hè una piccula storia, tremenda, annantu à François. Si passa ind’u 2018, dui anni prima di l’accessioni à u puteri di u Fronti Suciali, ch’eddu hà ghjuntu più pà intarissu cà pà altri cosi.

Essendu incaricatu di pagamenti ind’u serviziu « Achat public » di a righjoni, François facia i cummandi pà i parsunali di a cullettività, era un cumpratori publicu.

Una volta, u so capiserviziu hè andatu à sceglia prudutti assai specifichi in Russia.

U prublema era chì a TVA era difficiuli à deducia.

Ne una ne dui.

François creò un intrapresa incù l’impresta nomi di dui amichi (unu di i quali si chjama Michel Migalli), rifatturaia i prudutti, fendu una margina impurtanti è vindia i prudutti à a cullettività.

Bedda scruccunaria. Ùn hè ?

L’equivalenti di 56000 € sariani stati arrubati da François è i so amichi in sei mesi, surfatturendu prudutti à a cullettività.

À ottu anni di a ritirata, u 13 di luddu di u 2018, François hè statu rinviatu da a cullettività chì li hà dumandatu di rimbursà i sommi arrubati.

Dui anni più tardi, u 13 di luddu di u 2020, iss’anzianu sucialistu merri ind’a periferia Tempolisi (Caltingianus) hà circatu u sustegnu di u Fronti Suciali, nuvamenti elettu in merri pà piddà l’agglumerazioni.

Hè cusì chì François hè u novu eroi di l’estrema dritta Tempolisi, vicinu à u merri Mònoga. Ha fattu imbuscià u so fiddolu cum’è direttori di i servizii di l’agglumerazioni.

Et hop ! Le casse du siècle.

S’è Jackie hè un scrucconu è maestru di u ghjocu, François, eddu, hè spicialistu ind’i colpi bassi, cum’è tanti Tempolisi.

Romain l’impararà duranti à u ripastu è ancu di più qualchi ghjorni dopu.

Ci sarani sempri elementi stupendi in Tempoli.

Lasciate un cummentu ?

Questo sito usa Akismet per ridurre lo spam. Scopri come i tuoi dati vengono elaborati.