Dopu à parechji mesi d’attesa sottu à a minaccia ch’è u virdittu hè infine cascatu. U 4 di dicembre di u 2020, a riserva di Scandula hà persu u so labellu auropeu ottenutu 35 anni fà. A riserva di Scandula era citata cume esempiu di gestione dapoi dicennii. E so acque turchesa, e so rocche rosse è a so biudiversità unica ne facia un locu necessitendu un’attinzione particulare. A riserva accoglie in particulare l’erbaghji d’erba marina, è ancu i Pandion haliaetus (balbuzars in francese), spezia endemica di a terrania è e coste corse.
U 20 d’aprile di u 2020, una prima cumunicazione da parte di a Cunvinzione di Berna stabilia certe riserve inquantu à u rinnovu di u labellu per u spaziu di Scandula. A ragione : una gattiva gestione, sicondu à u cumitatu, di a friquentazione di a riserva.
Un rinviatu di rispunsabilità trà i principali attori di a riserva
I marinari sò dirittamente assignati in issa decisione. Principali benefiziarii di a friquentazione di a riserva, è i marinari anu eppuru pruvatu à ribuccà a tindenza à l’annunciu di una pussibile perta. Misure sò state messe in ballu per prisirvà issu labellu, tale a signatura d’una cartula di bona cundutta o ancu una cartula di zona di scluzione intornu à i posti di riproduzione di i Pandion haliaetus. Eppuru, sò state viste cum’è insufficente.
Secondu à Charles-François Boudouresque, presidente di u cunsigliu scentificu di a riserva, issa decisione ùn hè in nissunu casu surprindente.
« A Cunvinzione di Berna hà dumandatu per 10 anni ch’è a riserva sia ingrandata è ch’è una maestria di a friquintazione sia fatta, incù una prutezzione effettiva di certe spezie endemiche. Per avà, quessa ùn hè micca fattu ».
François Sargentini, Presidente di l’Offiziu di l’ambiente di a Corsica, stima inquantu à ellu ch’è issa decisione hè sbagliata. L’infurmazione date ùn currisponderianu micca à a rialità di u travagliu effetuatu in senu à a riserva.
« Hà pussutu avè qualchì anni fà di i prublemi di cumunicazione, e decisione chì ùn sò micca statu prese in tempu, quessa possu ammette lu ».
Ma, sempre sicondu à M. Sargentini, alcunu di issi fallimenti ùn ghjustificheghja issa perdita, chì si spiegheria per u più d’errori di cumunicazione.
Interventi à a scala Auropea
À François Alfonsi, diputatu auropeu, hà, da u so latu, mubilizatu e so cumpitenze parlamintare per permette a salvaguardia d’issu diploma. À l’annunciu di a so perdita, l’aurodiputatu mintuvò à u Statu francese in a rispunsabilità di a perdita di u labellu.
« Tutte i mancamenti chì sò dinunciati da u Cunsigliu di i sperti si svoglienu in un perimetru bellu pricisu chì hè quellu chì hè rigulamentatu da u dicretu ministeriale ».
Sicondu à François Alfonsi, mubilizatu da tandu parechji mesi incù a diputata auropea Michèle Rivasi annantu à issu cartulare, u Statu ùn hà micca saputu piglià in contu i novi bisogni di a riserva è e so nove rialità, incù l’apparizione di batelli mutorizati tali i jetskis di più in più accessibile à u gran publicu.
Chì ghjè u diploma europeu di i spazii prutetti ?
U labellu europeu di i spazii prutetti hè datu o rinnuvatu ogni annu da a Cunvinzione di Berna à i spazii naturali di prima trinca in u mondu. Attribuitu annantu à una basamentu di rinnovu tutti i 5 anni, hè un strumentu d’appiicazione di a strategia auropea per a biudiversità. A riserva di Scandula facia parte di i 74 spazii labelisati.
U diploma hà un meccanismu assai custringhjendu di surviglianza, necessitendu l’inviu di rapporti annuali da parte di e squadre in carica di u spaziu.