Prima sò ghjunti – Umaghju à Samuel Paty

Puema in umaghju à u prufessore Samuel Paty, mortu da a manu di a barbaria, mortu d’avè vulsutu amparà à i zitelli ciò ch’ella hè a libartà. Ch’ellu sia vivu u sò ramentu.

 

Prima, sò ghjunti à tumbà i caricaturisti,
Avemu pientu sì
Ma nimu ùn ci hà intesu.

Dopu, sò ghjunti à tumbà i clienti di i caffè
È avemu cridatu, parchì eramu noi
Ma nimu ùn ci hà intesu

A tempu, sò ghjunti à tumbà i spettatori di cuncerti
È avemu cridatu, parchì eramu noi
Ma nimu ùn ci hà intesu

Dopu, sò ghjunti à pulsà i curati
Avemu pientu torna
Ma nimu ùn ci hà intesu

Dopu sò ghjunti à scrasà l’aienti pà festa naziunale.
Avemu pientu torna, parchì eramu noi
Ma nimu ùn ci hà intesu.

Dopu sò ghjunti in l’Assamblea, da dì ch’ùn ci vulia pienghje i caricaturisti
È ci semu affuscati, parchì eramu noi
Ma nimu ùn ci hà intesu

Dopu, sò ghjunti à tumbà e donne, in carrughju di ghjornu
È avemu urlatu, parchì eramu noi.
Ma nimu ùn ci hà intesu

Eri sò ghjunti à tumbà i prufessori
E ci semu zitti, parchì ùn semu più
È chì nimu ùn ci sente.

Lasciate un cummentu ?

Ce site utilise Akismet pour réduire les indésirables. En savoir plus sur comment les données de vos commentaires sont utilisées.