Peace line

Un invintariu di certi di i muri di Belfast, chì sò una tistimunianza apprussimativa di a divisione trà unionisti è naziunalisti chì fermanu sempre in Irlanda di lu Nordu, è a cunfirmazione di a fragilità di l’accordu di pace.

Per The Troubles, u cunflittu armatu chì hà avutu locu in Irlanda di lu Nordu mentre l’ultimu terzu di u 20ismu seculu, l’unionisti britannichi ( in maghjurità prutestanti) anu affruntatu i naziunalisti irlandesi (in maghjurità cattolichi). In u 1998, dopu à 3500 assassinii, l’Accordu di u Venneri Santu hà messu fine à a viulenza. Eppuru, benchì parechji anni sò passati, u settarismu hè sempre prisente. E bandere è e pitture murale paramilitari facenu oghje parte di u paisaghju, ci sò paramilitari dissidenti incù una certa attività, è l’aggressione è e cilibrazione settare empienu i ghjurnali è i tweet. Ancu une poche di bombe fatte di benzina sò lanciate di tantu in tantu. In core di l’annu in corsu, ci hè statu dui assassinii ligati à u cunflittu.

Eppuru, ciò chì hè u più culpendu in Irlanda di lu Nordu, sò e « linie di pace ». U nome hè un eufemismu : e Peace Lines sò un inseme di muri chì spiccanu i quartieri unionisti è naziunalisti. Ci hè più di una centinara di sezzioni custruite in tutta a rigione, è s’è omu li mettia tutte in linia, ne esceria un muru di più di 20 chilomitri di longu. I primi muri sò stati custruiti ci hè un mezu seculu fà (una pruspittiva : u muru di Berlinu hà duratu 27 anni), è sò attualmente l’ultimi muri interni di l’Europa cuntinentale. Dapoi a firma di l’accordu di pace, d’altri muri sò stati custruiti è assai pochi sò stati dimuliti; d’altri sò stati megliurati per rende li più alti. Hè appena stunante, contu tenutu di a pace relativa di l’ultimi 20 anni, ma e duie cumunità si sentenu più in sicurezza è, sopratuttu, ci sò dinù divisioni in e zone micca siparate da i muri.

Fonte :

1. Albertbridge Road, in Belfast este (quartieru catolicu).

2. Andata ver’ di l’inchjuva prutestante di Cluan Place. A fotografia hè pigliata dapoi u postu induve l’anzianu paramilitare unionistu Ian Ogle hè statu pugnaltatu à morte da i so anziani culleghi, in ghjinnaghju

3. Clandeboye Gardens, zona catolica in u nordu di Cluan Place.

4. Unu di i parcheghji di u spidale Reale Victoria. Di l’altru latu di a chjuditura, u latu naziunalistu di u carrughju Roden, chì si termineghja da una strade senza surtia. À u meziornu di u spidale, di l’altru latu di un’autostrada, ci hè a cuntinuità unionista di u carrughju Roden.

5. Daretu à a chjuditura, Blackwater Way, una zona naziunalista vicinu à Roden Street. ‘Ssa chjuditura è un’autostrada spiccanu i naziunalisti di l’ unionisti.

6. Deerpark Parade, in un quartieru unionistu di West Belfast.

7. Alliance Avenue, in u Nordu di Ardoyne, citadella di l’unionismu radicale.

8. U muru spicca a Catolica Rosehead di a Prutestante Hillview, in West Belfast.

9. Un muru in Springfield Road, à u meziornu di a città, in una zona naziunalista.

10. Ritrattu pigliatu in Springfield Park. Di l’altru latu di u muru, u quartieru unionistu Springmartin Road.

11. Certi muri anu e porte chì cumunicheghjanu di l’altru latu : certe permettenu d’attravirsà à pede, ma ci hè dinù porte abbastanza larghe per e vitture. E porte si chjudenu tutti i ghjorni nanzu à a notte. A fotografia hè pigliata à Hallidays Road, in u quartieru prutestante.

12. Un antru muru di Hallidays Road, più luntanu in u Nordu chì u ritrattu precedente.

13. ‘Ssa chjuditura spicca a zona unionista di Glenbrynn di u viale di l’Allianza naziunalista. U terrenu cavallata à u primu pianu hè unu di i siti induve d’enormi fochi di gioia sò accesi à u mumentu di e cilibrazioni prutestanti di lugliu, induve si brusgia à spessu bandere irlandese.

14. Strada senza surtita di Conway Place, una zona catolica in u meziornu di u grande muru di Cupar Way.

15. Muru di Cupar Way , vistu di u meziornu.

16. Beverly Street, in a citadella unionista di Shankill.

17. Fortfield Place. Di l’altru latu di u muru, un largu carrughju (Duncairn Gardens) hè a linia di cuntattu trà e cumunità. Di l’altru latu, d’altri muri (chì certi incù e porte) per entre in u quartieru prutestante vicinu.

18. ‘Ssu muru in un parcu hè u prulungamentu di u muru chì spicca l’Oldpark prutestante di u quartieru Cliftonville ch’hè cattolicu.

Lasciate un cummentu ?

Ce site utilise Akismet pour réduire les indésirables. En savoir plus sur comment les données de vos commentaires sont utilisées.