In Occidente, avemu l’abbitudine di pensà chì l’Islam hè una religione in piena spensione, ch’ella sia in Auropa o in altrò. L’attualità ci mostra una prugressione di un islam radicale in Auropa, d’una radicalizazione di una parte di i seguitori di l’islam chì vuleria rompe tutti i ligame cun u so paese. Al di là di stu fattu, sò parechji i “speculatori” di a televisiò è di e rete ch’anu annunciatu chì l’Islam seria a prima religione di u mondu da quì à cinquant’anni.
Eppure, in realtà l’Islam ùn hà più troppu u ventu in poppa. U so numeru di seguitori cresce, bella sicura, ma sò di più in più numerosi quelli chì abbandanu a pratica di a religione è chì preferianu a secularisazzione è l’ateismu. In 20 anni, u numeru di nun-religiosi in i paesi di u Maghreb hè cresciutu da 2% à 25%. U paese u più tuccatu hè a Tunisia incù 33% di ateisti Sicondu à u scandagliu fattu da Arab Barometer frà u 2013 è u 2018-19. L’evuluzione ùn hè a listessa per tutti i paesi arabi ma si vede chì sò quelli ch’anu avutu u più altu nivellu di crescita ecunòmica chì sò i più tuccati. Vale à dì : Maroccu, Tunisia. Ci sò certe ecessioni cum’è a Libia in piena guerra civile cun una crescita di l’ateismu.
In oppusizione, quelli chì sò stati tuccati da a guerra per parechj’anni cum’è a Palestina, a Siria (micca prisente in stu graficu ma altre inchiete mostranu chì a religiosità di stu paese hè in pienu declinu) è l’Iraccu, sò quelli chì sò stati cresciti a più bassa di l’ateismu. Ci seria forse una currellazione negativa (micca sempre verificata) frà u sviluppu ecunòmicu è a religione. Ma chì sò e ragioni chì ponu spiegà u declinu di a siconda religione di u mondu daretu à u Cristianisimu?
L’avvenimentu d’internet cum’è vettore d’infurmazione è di contra cultura
A guasgi tutalità di i paesi arabi sò dittature o regime autoritarii è l’infurmazione hè cuntrollata da l’autorità. Hè allora difficiule per l’abitanti di truvà altre fonte d’infurmazione fora di u circondu tradiziunale, è dunque, chì ponu rimette in quistione u fattu religiosu. Grazia à Internet, i cittadini di i paese arabi anu avutu accessu à parechje rete suciali, forum di discussione internaziunali è tante altre cose. In stu mondu induve a lingua duminante hè l’inglese, u cuntrollu suciale di l’autorità tradizunale hè guasgi impussibule. I ghjovani anu allora avutu a pussibilità di scopre testi, scritti impegnati di pettu à a religione, altri quistionendu l’esistenza di Diu. Tutti sti testi sò a basa di a contra cultura in sti paesi. S’è ùn credite micca, site un ribellu. Site a minurità. È a marginalità seduce sempre i ghjovani.
U veranu arabu ch’hà sprufundatu tutte e strutture tradiziunali è religiose
Cunsequenza logica di l’acessu à e rete, u muvimentu di prutestazione in i paesi arabi è particularmente quelli di u Magrheb tutalmente spufundatu e strutture tradiziunali è religiosi islamiche. Quistiunamentu à prupositu di a separazione di e donne è di i masci, di a purtatura di u vele islamicu per e donne, di l’assiduità religiose. U veranu arabu hè statu un mumentu maiò di a Storia di l’Islam perchè per a prima a volta i ghjovani nun solu si sò opposti di pettu à i guverni desputichi, ma si sò anchi ribellati di pettu à l’autorità religiose dumandendu parechje misure ugualitarie cum’è in Tunisia induve si dibatte oghje di a fine di a penalisazione di l’omosessualità o di a fine di a priferenze per i masci à prupositu di u lascitu dopu à a morte di i genitori. A sucetà Tunisiana hè cambiata assai grazia à a rivoluzione di u 2011 è i partiti islamisti ùn anu riescutu à piglià u controllu di u paese. Ancu in Marroccu, sucetà induve a ghjente hè religiose si parla di più in più di secularità. Sò di più in più numarosi i ghjovani quistionnendu a religione islamica. L’effetti di u Veranu arabu cuntinueghjanu ancu oghje.
U Statu Islamicu : a ghjente di pettu à l’orrore di u califfatu
A campagna di u Statu islamicu in u Levente hà messu i seguitori di l’Islam davant’à u fattu chì a religione pò esse un strumentu di rabbia contru à u generu umanu. I parechji massacri di civili in Siria, e distruzzioni di monumenti storichi in a città antica di Palmyra è in Mossul anu pruvucatu u righjettu impurtante di a relgione in u Mediu Oriente da i cittadini. Pare paradussale, ma più u Statu islamicu vincia battaglie contru à l’esercitu sirianu, irachese è curdu è più ellu mostrava a so crueltà più i musulmani fora da u Statu islamicu rigittanu a religione sicretamente.
U Statu islamicu o califfatu dichjaratu da Baghdadi di lugliu 2014 hà duminatu à un quartu di l’Iraccu è di a Siria. Era cunnisciutu per e so atrocità contru à e minuranze riligiose è e so attacchi annantu à i cinque cuntinenti, à nome di una virsione di un islamu ultra-fanatica chì hà spaventatu à parechji musulmani.
U genocidu di i Yazidis, tucchendu à una di e più anziane riligione di u Mediu Oriente, hà illustratu a bruttalità di u so rigimu. Migliaii d’omini sò stati massacrati annantu à a una muntagna antica accant’à a città di Sinjar, in u nordupunente di l’Iraccu, è di e donne|moglie sò state tumbate o purtate cum’è schiavi sissuale. Certi altri gruppi riligiosi sò stati vittime di schiavitù sissuale, di massacri è altre attrocità.
U gruppu hà dinù pruvucatu una rivulsione mundiale incù l’assassinu d’ostagii di paese tali chì i Stati Uniti, a Grande Brittagna è u Giappone.
U Statu islamicu hà dunque pruvucatu più danni à a religione islamica chì di bè, aprendu u passu à una putenziale secularisazzione di parechji paesi arabi.