I produtti corsi à l’onore in Valenza grazia à l’associu Giranduloni

Per a so prima azzione d’ampiezza, l’associu Giranduloni averà l’opportunità da u 10 à u 12 di Nuvembre, in Valenza, à u salone Gastrónoma 2019 di prisintà i produtti cibu è vinu isulani incù u scopu di fà cunnosce i produttori è di permette li di spurtà si à l’internaziunale, criendu partenariati incù i prufessiunali di a risturazione è di l’ostelleria.

U scopu di l’azzione di l’associu hè di prufittà di ‘ssu salone chì accoglie numerosi prufessiunali di a gastronumia per mette in valore di i produtti tipichi corsi tuttu familiarizendu si incù l’ultime tindenze grazia à un prugramma ambiziosu ingiru à l’eccellenza. I produttori seranu valurizati è puderanu cunsiderà i partenariati internaziunali.

Bella sicura, a scelta di i produttori chì seranu espostu à u mumentu di ‘ssu salone hè statu mutivatu da u fattore qualitativu, solu i produtti di qualità sò stati selezziunati da i Giranduloni. ‘Ssi produtti ricunnusciuti in particulare da parechji cuncorsi « cibu è vinu » premii Clos culombu è cetera… I selezziunati sò :

  • I canistrelli di A CUCHJARINA,
  • I spirituosi di U MASSICCIU,
  • U carnugliu di JEAN-PAUL VINCENSINI,
  • I vini di u DOMAINE NOVELLA è di u CLOS COLOMBU

Stu salone hè ancu di più impurtante per i pruduttori corsi ch’ellu hè in piena spansione. L’annu scorsu più di 17.000 persone sò ghjunte à u salone, una crescita di 15% per rapportu à u 2017. U presidente di Gastrónoma, Carlos Mataix s’hè felicitatu di u fervore ingiru à l’evenimentu  » Avemu non solu riesciutu à attirà più di visitadori, ma dinù aghjuntu u nostru scopu, à sapè ch’è u prufilu di i visitadori cuncerna per u più i prufessiunali di u sittore di l’ostelleria ; Difatti, u percentu hè cresciutu di 30% per rapportu à l’annu scorsu. »

Preghemu bon’auguri à i rapprisententi di a gastrunumia corsa per stu salone riccu d’opportunità ecunomiche !

Lasciate un cummentu ?

Ce site utilise Akismet pour réduire les indésirables. En savoir plus sur comment les données de vos commentaires sont utilisées.