Brexit : Hè ghjunta l’ora di l’endgame

Un parlamentu viotu. U parlamentu britannicu serà chjosu sin’à u 14 d’ottobre, ciò chì amminurisce u tempu di l’opposizione per impedì un Brexit senza accordu o capivultà u guvernu di Boris Johnson. U 28 d’ottobre, u Primu Ministru hà pigliatu a decisione cuntruversata di dumandà à a Regina Elizabeth II di rispinghje i diputati per qualchì settimane, ufficialemente per permettellu di « priparà u so fantasticu agenda ». Dumanda accettata da a Regina. Fermerà allora 3 ghjorni nanzu à a riunione di u Cunsigliu Auropeu induve l’Unione auropea deve piglià una decisione capitale : rinculà davant’à u Regnu Unitu è lascià u Backstop, o accittà a surtita di u RU senza accordu u 31 d’ottobre.

Issa misura hà infribacciatu tutta l’opposizione da i travagliatori sin’à parechji eletti di campu cunservatore chì dinuzianu un veru « Coup d’État custituziunale » è dumandanu à a Corte di ghjustizia di ricusà a misura. Nundimenu, pare guasi impossibile di dinuziàlla perch’ella hè stata signata da a Regina è ùn si pò cuntestàlla, ancu in u parlamentu. Per i partigiani à prò di u Brexit « Do or die », capite « Brexit o a morte » a misura hè una benedizione perch’ella permette infine di furzà u Brexit, ch’ellu sia cun o senza accordu trà l’UA è u RU. Per esempiu, u capu di i deputati cunservatori Jacob-Ress-Mogg hà dettu u 29 d’Aostu « Quelli chì sò opposti à sta misura sò contru à u fattu chì u RU sorte di l’UA, dunque contru à u mandatu di u populu di sorte di l’UA » . S’è u fattu di rispinghje i deputati hè tutalemente legale, i remainers pensanu ch’hè un ardignu di Boris Johnson per bavillà i deputati, è dunque a demucrazia parlamentaria.

A pussibilità d’una surtita di u RU di l’UA hè guasi realtà avà. Incù un Guervnu à prò di un Brexit senza accordu, un parlamentu bavillatu è una regina fidele rispettu à a neutralità di a monarchia, ùn ci sò più ostaculu versu à u Brexit. L’appunti previsti frà i capi di Stati di l’UA è u RU sò duvintatu un ghjocu di schacchi induve Johnson cerca à fà purtà a rispunsabilità d’un Brexit senza accordu à l’auropei è viceversa. E numarose riunione trà i diplumatichi di u RU è quelli di l’UA sò tutte inefficaci è nisunu accordu pare pussibile. Pare impussibile chì l’UA rinculi perchè seria un vera umiliazione in u mondu sanu è mostraria à tutte l’altre putenze di l’Auropa chì u prughjettu auropeu hè debule, sopratuttu perchè l’UA hà duminatu i trattativi da u principiu, una retirata seria incapiscitoghju. ghjunta avà l’ora di l’endgame, fasa finale di u Brexit : quale hè ch’hà da soffre u più u 1 di nuvembre ? Quale hè ch’hà da purtà u pesu di u fiascu di i trattativi ?

Parechji documenti cunfidenziali svelati da u principiu d’aostu mostranu chì u RU ùn hè prontu per un Brexit senza accordu. Sicondu à issi documenti, a circulazione di i bè frà l’UA è u RU serà rallentata da 50% o 75%, una carestia di benzina è parechje pruteste di grande impiezza sò previste. L’azardu di una ripresa di a guerra in Irlanda di u Nordu hè forte. frà 500 milla è un millione d’impieghi sò minacciati. Per l’UA, L’ecunumie irlandese, danese, francese è sopratuttu alemana anu da sofre u più di sta surtita di l’UA. In tutta l’UA si parla d’una riduzzione d’un millione d’impieghi.

In attesa d’un cambiamentu prufundu di situazione, l’UA hà fattu di u Brexit senza accordu una priurità assoluta è si pripara per diminuì e gattive cunsequnze di stu scenariu. L’UA pensa chì e tentative d’arristà u Brexit anu da fiacassi. U RU prova di priparassi dinù è prova di ricuperà u so ritardu di priparazione, u Ministru di u Brexit, Stephen Barclay hà parlatu di  » a più grande campagna d’infurmazione dapoi a Siconda Guerra mondiale ».

L’ultima opportunità per i remainers hè di vutà una muzione impediscendu u paese d’esce di l’UA senza accordu. Una cusì misura averà allora bisognu di l’appoghjiu di una cualizione Travagliatori-naziunalisti cunservadori à prò di l’UA. Una prubabilità debule, ma pussibile in stu Parlamente britannicu ch’hè duvintatu scemu dapoi u referendum di 2016.

Ferma 60 ghjorni nanzu à u Brexit.

Lasciate un cummentu ?

Ce site utilise Akismet pour réduire les indésirables. En savoir plus sur comment les données de vos commentaires sont utilisées.