L’azardu di un tassu d’interessu troppu bassu : versu à una « zombificazione » di l’ecunumia ?

Dopu à a crisa ecunomica di u 2008 è quella di a debbita publica di l’anni 2010, e banche centrali di i paesi di l’OCDE, capite quelli industrializati è sviluppati anu implementati drastiche misure per impedì una nova crisa ecunomica. A più impurtanti, frà di elle, hè un tassu d’interessu quasi nullu per aiutà i paesi è e famiglie à imprestà soldi. Quelle misure assicuranu interessi bassi per quelli ch’imprestanu soldi è rendenu pussibili certi prughjetti ch’eranu nanzu à sta misure micca prufittevuli.

Nundimenu, ste misure anu dinù effetti perversi cum’è una putenziale zombificazione di l’ecunumia di quelli paesi. In fatti, un tassu d’interessu troppu bassu permette à certe imprese tutalmente inefficiente di sopravive, imprestà denari ch’ùn seranu prubalmente micca rimbursati. Ci sò dunque imprese « zombie », micca pruddutive è ch’ùn smariscenu di l’ecunumia, ciò ch’ùn permette micca à a ghjente in st’imprese di move versu à altre imprese più pruddutive è dunque ottimizà a pruduzzione naziunale .


Al di là di l’imprese « zombie », ci sò anche banche è Stati « zombie ». Per esempiu, certi Stati chì puderianu esse vittime di una crisa di sulvabilità è sopravivenu grazia à un tassu d’interessu bassu chì permette li d’imprestà à un nivellu assai assai soldi. S’è u tassu d’interessu si rimette a cresce, serianu in una pusizione induve ùn puderianu imprestà, è seria minacciati di crisa di sulvabilità perchè serà forse troppu caru di rimbursà a debbita. À prupositu di e banche « zombie », sò banche induve u tassu di renditu hè talmentu bassu caghjone di a caduta di u tassu d’interessu di e banche centrali chè sò minacciate perchè i crediti ch’elli pruponi ùn sò micca prufittevuli per elli.

L’altru prublema cuncerna l’investidori. S’è i tassi d’interessi sò cusì bassi in longu andà, ùn ci hè più tantu interessu à piazzà i so denari in borsa per sperà guadagnà una bella rendita in longu andà.

In somma, a zombificazione di l’ecunumia minaccia un altu numaru d’imprese, è dunque l’ecunumia di parechji paesi. Sicondu à a banca Natixis, più di 13% di l’imprese di i paesi sviluppati sò « zombie », vale à dì imprese cun un bassu nivellu di pruddutività, è chì puderianu chjode s’è u tassu d’interessu si remette à cresce.

Cusì, l’azardu in longu andà serà una crescita di u tassu d’interessu di e banche centrali, ciò chì furzerà l’imprese zombie à chjode è licenzià impiegati, chjode, è metterà parechji paesi a zona euro per esempiu in pusizione di debulezza è di crisi di sulvabilità.

Lasciate un cummentu ?

Ce site utilise Akismet pour réduire les indésirables. En savoir plus sur comment les données de vos commentaires sont utilisées.