Cresce in mè cum’un ardore
Chì si piglia a vita mea
È intigne di sudore
Ogni straziu è ogni lea
Corre in mè cum’è un cantu
Chì si face universale
Cum’un pocu fattu tantu
Per a mossa è l’ideale
Nasce in mè cum’una rabbia
Una passione da sparte
Chì ùn si lascia mette in cabbia
À u son’ di l’ore aparte
Voga in mè cum’un vapore
A mo nave cerca un portu
Ind’è l’anima, un sapore
Versu tè torna mi porta
More in mè cum’un chjarore
Sole ascosu in un fangottu
Ma l’aspettu u to albore
À mez’à l’eternu sgottu…