A FESTA DI A NAZIONE
Simu in lu 1729, a Corsica hè sottu à u putere genuvese ma a rivolta principia ind’u Boziu. E battaglie sò numarose per caccià i Genuvesi di a nostra terra è a rivolta si spanna in a Corsica sana.
« Sta scelta ricullava à a rivuluzione di u 18esimu seculu. A rivuluzione corsa principiata in 1729, rivolta paisana contru à a prissione fiscale genuvese, avia da cunduce à a nascita di una cuscenza naziunale chì sbuccarà nantu à l’indipendenza » dicia Pasquale Paoli.
In u 1735 fù elaburata a custituzione corsa. À st’uccasione l’Isula fù piazzata sott’à a prutezzione di a Vergine Maria chì si festighjava l’ottu di Dicembre. A storia s’appughja nant’à a cunsulta di Corti, testu vutatu u 30 di ghjennaghju di u 1735. I Capi generali di a rivolta, Luigi Giafferi, Andria Ceccaldi, Ghjacintu Paoli, dichjaravanu l’indipendenza di l’Isula, per una custituzione nustrale è a prutezzione di l’Immaculata Cuncessione. L’Ottu di Dicembre hè a festa di l’Immaculata Cuncessione di a Vergine Maria, ma tandu Genuva hà pruvatu à ricunquistà a Corsica dumandendu aiutu à a Francia è à l’Austria. Isse prove ùn daranu nunda è finisciaranu u 30 di ghjennaghju di u 1735 cù a spiccanza di a Corsica incù Genuva. Stu ducumentu hè ciò chì fundarà a custituzione corsa, l’isula hè pruclamata indipendente è in u so primu articulu a cunsulta dice cusì :
“In nome della Santissima Trinità, il Padre, il Figlio e lo Spirito Santo, dell’Immacolata concezione della Vergine Maria, sotto la protezione della Santa Madre Avvocata, noi eleggiamo, per la protezione della patria nostra e di tutto il regno, l’immacolata concezione della Vergine Maria, e inoltre decidiamo che tutte le armi e le bandiere nel suddetto regno, siano marchiate con l’immagine dell’Immacolata concezione, che la vigilia e il giorno della sua festa siano celebrati in tutto il regno con la più perfetta devozione e le dimostrazioni più grandi, salve di moschetti e di cannoni, che saranno ordinate dal Consiglio supremo del regno.”
Ghjè puru à st’occasione chì fù sceltu u “Dio Vi Salvi Regina“ in innu naziunale chì tempi fà era solu un cantu riligiosu per a Vergine Maria.