Parlamentu eurupèu : un testu cruciale nantu à i visa umanitari rifiutatu da i deputati… Perchè era l’ora di u pranzu.

Si pò parè una parafànfula, si bramaria ch’ella ne fussi una : sfortunamente, u spettaculu à l’assemblea di u Parlamentu eurupèu, u 14 di nuvembre, hè una storia vera.

Ghjovi u 14 di nuvembru : stu ghjornu, i diputati eurupèi anu da vutà un testu pè l’aduzzione di un sistema di visa umanitari eurupèi pè i rifughjati. Prima, issu testu partiva cù l’approvu di a maghjuranza di l’eletti presenti issu ghjornu.

Ma à u puntu di u contu di i voti, un prublema tecnicu hà ritardatu a presa in contu di i voti. Stu mumentu di sbagliu tecnicu hè statu sufficiente pè suscità a ritirata di a carta di votu di una parte importante di i deputati eurupèi, chì li tricava di piglià a sesta di u meziornu. Pè esse aduttatu, un testu vutatu à u Parlamentu eurupèu duve avè l’approvu di i 2/3 di i diputati. Sfortunamente, cù stu sbagliu tecnicu è u rimenu di i diputati pè andà à piglià u pranzu, menu di i 2/3 di i voti so stati pigliati in contu, l’altri cuntati cum’è « vani ».

Cume devenu serve i visa umanitari eurupèi ?

In un continentu traversatu da a crisa di a migrazione dapoi parechji anni, i visa umanitari eurupèi sò visti cum’è una riposta a i principali prublemi di i muvimenti di migrazione chè cunniscimu oghje. Prima, un fattu hè chì a maiò parte di i migranti chì ghjunghjenu in Europa ci ghjunghjenu cù mezi illegali.

U caminu di i migranti pè raghjunghje l’Europa hè longu è difficile : quantu saranu ad avè scappatu a guerra, a schiavitù, è po infine raghjunghje l’Europa cù nave. Pè questi ultimi cinque anni, circa 20 000 persone sò morte in lu mare Mediterraniu.
Ci sò parechji fattori chì  facenu chì e cundizione d’intrata è di circulazione sò periculose per i migranti. Ma à a surghjente di issa prublematica si trova u prublemu d’accesu à i visa è à i documenti chì parmittarianu di liberà circulazione di e persone cuncernate. Cum’è lu sottulinea u diputatu Juan Fernando Lopez Aguila, rifèrator di sta resoluzione, 90% di i migranti chì cherenu l’asili ghjunghje in Europa sò ghjunti di manera illegale, “per una ragione simplice : ùn anu micca avutu l’uccasione di fà altrimente”.

Sta resoluzione era appruvata da a manca cume di a destra à u parlamentu. Sta resoluzione sembrava esse a soluzione per più di regulazione è aiutà dà regulà i fluzzi migraturi, ma anche per permette un migliore accogliu pè  le persone che sò state accetate dopu avè cumpiu a procedura.

Certi diputati anu dumandatu di fà vutà a resoluzione u lindumane di questu accidente. Sicondu elli, “hè un prublemu di prima trinca, è ùn pudemu micca mandà u missaghju à i citadini eurupèi chì semu contru i visa umanitari”.

Sfortunamente, u testu deve aspittà u mese di Dicembre pè avè l’uccasione di esse discutatu di novu, secunda e procedure di votu di u Parliamentu Europeu.

Pè vede i ditagli di st’ episodiu, clicà quì pè a video (sottu titulata in francese) di Brut.

Lasciate un cummentu ?

Ce site utilise Akismet pour réduire les indésirables. En savoir plus sur comment les données de vos commentaires sont utilisées.