Circinellu

Ottavio Domenico Leca, dittu Circinellu, era un preti risistanti di u XVIIesimuseculu, natu in u 1702 in u paesi di Guagnu. Omu maiò, capirossu, faci i so studii in Roma, è ni tira u nomi di a so casa : a casa romanaghja. A so suredda, Anghjula Maria Leca, cugnumata Ritondella, avia persu u so maritu è trè ziteddi à a guerra. Partighjanu di Pasquale Paoli è di l’indipindenza di l’isula, hè una figura maestra di a risistenza in Corsica. Presta ghjuramentu d’ùn pona l’armi fintantu chì a so patria sarà accupata. Participeghja à a battaglia di Ponte Novu incù 60 omi di u so paesi chì ùn ci murarani.

Dopu à sta disfatta maiò è à a fini di l’indipindenza corsa, urganizeghja a risistenza in a so pievi. Annantu à u so altari, ghjurò : « Paoli è Libertà », è ricusarà sempri di sottumettasi à i francesi, « i tradimentosi ». Ma hè perseguitu da l’armati francesa chì u voli scapà, è chì abottani tuttu ciò ch’eddu t’hà. Quandu Guagnu hè brusgiatu, pidda a machja incù a so suredda è i so nipoti. Da chì a riprissioni ùn tucchessi micca i soi, fughji pà u Fium’Orbu. Hè ritrovu mortu in u 1771 da pastori ind’una sapara sopra à u paesi d’Ania, crucifissu in una mani, arma inde l’altra. A Grotta di Circinellu asisti sempri, simbulu di u patriuttisimu di u cleru isulanu duranti à i guerri d’indipindenza corsi.

A ghjesgia di Circinellu, brusgiata duranti a guerra, fù missa sottu à a prutizzioni di San Niculau.

One comment

Lasciate un cummentu ?

This site uses Akismet to reduce spam. Learn how your comment data is processed.