Educazione è urientazione : cambiemu di mentalità

U nostru sistema educativu hè diventatu unu di i più unugualitarii di i paesi sviluppati : un zitellu nantu à cinque ùn sà micca leghje è scrive currettamente è dunque 150 000 zitelli ne sortenu ogni annata senza diploma. Travagliemu nantu à u fattu chì ognunu pocu impreme a so origine acquista u listessu bagagliu fundamentale per avè accessu à e listesse scianze di riesce sicondu à a so ambizione, u so travagliu è u so meritu è dunque di parmette à i zitelli di crede in u so paese più cà mai.

Sviluppemu da a scola elementaria l’attaccamentu à u nostru mudellu di sucetà uccidentale punendu u principiu di u portu di l’uniforma da ogni stabilimentu per prumove a fiertà d’appartinenza à un gruppu sculariu è luttà contru à certi segni suciali chì venenu da u fora.

Andemu versu l’autunumia di culleghji è di i licei per via d’un’autunumia prugressiva da accademia incù un obbiettivu di centu per centu di i stabilimenti in cinque anni è una priurità data à i retturati di i tarritorii in situazione d’urgenza educativa.

D’appressu à un’inchiesta di u CRIJ in partenariatu incù a Cullettività di Corsica (in u 2017) per via d’un supportu di 1103 ghjovani interrugati trà 16 anni è 25 anni, inde u duminiu di l’urientazione prufeziunale, 84 per centu di i ghjovani anu bisognu d’infurmazioni è d’aiuti nantu à i studii, i mistierii, e furmazione o ancu l’impiegu di manera generale. Per divvi chì a maiò parte di i ghjovani volenu scuntrà prufeziunali di u mondu di u travagliu, d’astri volenu stasgi in intrapresa per un dettu, scuntrà i prufeziunali di l’infurmazione è di l’urientazione, participà à i fori di l’urientazione è infine cunnosce i lochi risorsi è u so situ internet.

Al dillà di sti fatti, ci vole à dà u dirittu di sbagliassi, u dirittu di ricumincià è di cambià di strada è di furmazione. Favurizemu è amparemu à i zitelli calcosa d’impurtante in a vita : a cunfidenza in sè, pigliemu l’esempiu americanu è travagliemu nantu à què : « ai avutu una gattiva nota in e mathematiche, ùn face nulla sì bonu à l’urale, in sport è in teatru eppo sì u megliu sì americanu » sviluppemu stu mudellu per a nostra sucetà d’oghjinca sta cultura di a vittoria, l’inversione à u fiascu hè una malatia ind’è noi ciò chì conta hè d’avè un mistieru micca un diploma troppu suvente teoricu, luttemu contru à l’idea chì l’amparera ind’è i CFA è i licei prufeziunali sò strade di rimessa a prova hè chì per via di u so parcentuale d’impiegabilità di più supranu cà i ghjovani isciuti di e filiere classiche universitarie (licenza è master in sè) incù diploma troppu generale à spessu.

Ci ne sarà à dì è à palisà in sti duminii, difendimu è valurizemu d’astri valori cum’è l’autorità ( u rispettu di a ierarchia), a selezzione da u meritu (vettore d’ascenzione suciale) è u rispettu di a laicità ( a lotta contru à u cumunutarisimu religiosu chì mina a cuesione suciale è minaccia u nostru mudellu di sucetà).

Lasciate un cummentu ?

This site uses Akismet to reduce spam. Learn how your comment data is processed.