ACA-RC Lens (2-0)

A squadra aiaccina di l’ACA, ghjuchendu a cuddata in lega 1, ricivia à u RC Lens, impegnatu ind’a corsa à u mantenimentu. L’ACA dopu à 5 vittorie di fila, hà persu contru à Reims, campione di lega 2. Un scunfitta chì pò fà dubità i bianchi è rossi pà sta scontra.

Pà sta ghjurnata, Olivier Pantaloni ritrova à Johan Cavalli, capitanu è maestru di ghjocu aiaccinu ; ma lascia à Moussa Maazou à u posu.

Cavalli ghjustappuntu marca à a meza ora di ghjocu, u so sestu di a staghjone, grazie à u calciu-francu tiratu da a dritta di u spaziu di riparazione, 1-0 pà l’ACA.

Ind’a siconda parte di u match, u bloccu di Lens, più cumpattu chì prima hà impeditu l’ACA di sviluppà u so ghjocu è si mustrava di tantu in tantu periculosu, postu chì a pussessione di a balla era pà u club di u Nordu di a Francia à 65 parcenti. Ancu di grazie ch’eddu ci era à Jean-Louis Leca, ch’avia raghjuntu u club aiaccinu « una scelta di vita » è chì forse ritruvarà a lega 1 l’annu prossimu.

I bianchi è rossi si sò messi à l’aggrottu dopu à un attaccu di Riad Nouri à u 92 esimu minutu à a manca di a difesa di Lens ch’hà marcatu di u pinzutu di u pede.

                                                              Scorsu finale 2-0 pà l’ACA

Incù stu risultatu parfettu, l’ACA piglia a siconda piazza di u campiunatu è passa davanti à Nîmes chì ghjucarà contru à Lorient, sestu di u campiunatu. Una vittoria impurtantissima pà l’accessione in lega 1.

 

Fonte di u rittratu d’illustrazione : Corse-Matin.

Lasciate un cummentu ?

This site uses Akismet to reduce spam. Learn how your comment data is processed.