Epica nova

L’irlandese Gerry Adams hà abbandunatu, di manera ufficiale, a vita pulitica sabbatu u 10 di Ferraghju durante u Cungressu straurdinariu di u Sinn Féin, u principale partitu naziunalistu irlandese. 

Hà lasciatu a so piazza à Mary Lou McDonald, a so siconda. A ritirata di a vita pulitica di Gerry Adams compie trenta quattru anni di a storia di u partitu, a più grande lunghezza di vita in Auropa. « Dirige vole dì sappè quandu hè tempu di cambià. Avà, hè tempu », hà dichjaratu Gerry Adams davanti i membri di u partitu.  

Gerry Adams è Mary Lou McDonald

Si Gerry Adams hè a figura emblematica di a fine di a guerra civile, a so lea cù l’IRA fa d’ellu una figura cuntrasta. Da a so ghjuventu, Gerry Adams s’impegna in u muvimentu pè i diritti civichi, dumandandu a fine di a segregazione trà i catolichi è i prutestanti in Ulster, pruvincia di u nordu di l’Irlanda. À i so sedeci anni, dunque in u 1964, Gerry Adams raghjunghje u Sinn Féin. Barman di misteriu, ellu cullara pocu à pocu e scale pè fa a so piazza ind’è u partitu. Ma u so impegnu u mandarà qualche volta in prigiò, a prima volta due mese in marzu di u 1972, poi l’annata seguente pè sei mese pè trasportu d’esplusivi. 

Gerry Adams diventa presidente di u Sinn Féin in u 1983, dopu cinque anni di vizia presidenza. À a stessa epica, hè elettu à u Parlementu di Westminster, ciò chì n’era più accadutu dapoi u 1918. Ma, ricuserà d’andà pè ùn avè à  prestà ghjuramentu à a regina. 

A st’epica, a guerre civile hè veramente viulente in Irlanda di u nordu. Da a fine di l’annate 1960 à a fine di l’annate 1990, a perioda di i « Troubles », perioda d’attentati è d’assassinii, fa più di 3500 morti è 47 000 feriti. Gerry Adams sarà, ancu ellu, vittima di dui tentativi d’assassinii, in u 1984 sarà veramente feritu di unu di e tentativu. 

Purtantu, u leader naziunalistu hè assai muderatu. U Sinn Féin piantara dunque a pulitica astenssionista, è cumminciara a strategia di u « Ballot box andarmalite » chì vole dì : u fucile in una manu è u votu ind’è l’altra. U partitu s’impigna annantu u caminu di a pace. Gerry Adams è Martin McGuiness si riaviccinanu di i muderati di u Socialist Labour Party (SLP) è ottenenu dà a parte di l’IRA d’arrestà i cumbatti di u 1994 è u 1997 chì permettenu di firma l’accordu di u vennari santu in u 1998. In u spaziu di 34 anni, u Sinn Féin hè diventatu u sicondu partitu in Irlanda di u nordu è era ghjustu daretu à l’unionisti di u Democratic Unionist Party (DUP) à l’elezzione reghjunale di marzu di u 2017. 

Ma u passatu di l’anziani di u partitu era un frenu pè u sviluppu di u partitu. Ancu si Gerry Adams ùn hà mai ricunisciutu a so lea cu l’IRA, in u 2014 era arrestatu pè avè cummandità l’assaniu di Jean McConville dà un commando di l’IRA in u 1972, è hè statu liberatu assai in furia pè mancu di prove. 

Pè l’avvenne di u partitu, u leader hà sempre vulsutu passà a mane à una generazione più ghjovana è menu pulemica. Mary Lou McDonald hè deputata di Dublin, è a so siconda dipoi u 2009, ùn hè dunque una vera rumpitura cù à so pulitica è e so idee. Ella rapprisenta u Sinn Féin più ghjovanu, pro auropeu, contru à l’austerità, l’inugualità suciale è u Brexit, cù elettori sfarenti, è infine pè l’uguaglianza omi è donne. 

Stu cambiamentu di presidente, ùn cambia micca l’ubbietivi di u partitu : a reunificazione di l’Irlanda, ancu di più dipoi u dibattu annantu à u Brexit, è di diventà incuturnabile pè guvernà da i u dui lati di a cunfina.

Leave a Reply