Petra tafunata

Aghji, moli è tribbi – Spassighjata di u cunfinamentu #2

Oghji, vi prupongu di parlà di parechji machjaghjoli, fatti da l’antichi, è sempri utilizati qualchì tempu fà. Parlaremi d’aghji, di moli (ò macini) è di tribbi.

Attrachji impurtantissimi pà i pastori, i pudeti truvà accantu à i casi ò i mulini, è di manera più larga, i pudeti truvà accantu à i lochi induva ci hè ò ci hè statu a vita. Alora chì sò ‘ssi machjaghjoli ? Un aghja è una custruzioni di forma circulari chì servia à batta u granu, pà caccià i grani da u restu di a pianta. I pastori facciani passà un boiu trascinendu una petra (u tribbiu), pà caccià i grani da u restu di a pianta. I grani, dopu essa stati ricuparati, erani acciccati da fà a farina. Un altru attrachju intria ind’u ghjocu : a mola (ò a macina). S’è ognunu cunnosci i moli chì truvemi ind’i mulini, i formi di moli più antichi sò menu cunnisciuti. Tandu, dapoi u Neuliticu è a sidentarisazioni di l’omini, l’agricultura fà parti di la noscia vita ; i primi omini macinaiani i so grani cù dui petri : una maiò, fissu (mola durmighjenti) è un cotu, più picculu, chjamatu « raschjinu » da l’archiuloghi. Alora, quandu visiteti un locu cunnisciutu pà avè vistu omini dapoi a preistoria, quandu seti accantu à una casa abandunnata, fighjuleti bè! Chì pudareti truvà di manera simplici unu di ‘ssi trè machjaghjoli ! Ma attenti, u fattu di spiazzà un ughjettu archiulogicu, di distrutà lu ò di piddà lu pà purtà lu in casa hè pruibitu da a leggi è di più, si dice chì purtà un tribbiu in casa porta sfurtuna à i so abitanti…

Eccu quì qualchì ritrattu di moli, d’aghji è di i so tribbi :

Lasciate un cummentu ?

Ce site utilise Akismet pour réduire les indésirables. En savoir plus sur comment les données de vos commentaires sont utilisées.