U fiatu ribellu
A lu tarmine di tutti l’eccetera
Quand’ellu si sgrumbuleghja quellu ghjornu
A cullana zeppa fatta d’ogni spera
Si scioglie per ammuntagnà in un sognu
Sgotta ogni rivolta da empie colmu
Un bacinu d’idee à l’anni colti
In lu rifugiu d’un casellu indomu
Mille schoppi di li nemici sepolti
Caru patrone di li stinti nobili
Induve aghju lasciatu a ghjuventù
D’un vede spannassi l’affetti debbuli
Difende a veduva è l’urfanellu
In tutte le ghjostre da lampà servitù
More senza tradì u fiatu ribellu
Ritrattu: A muntagna Ste Victoire, Paul Cezanne