Cum’è un antru ghjornu
Si rinnova u celu
Sopr’à i paisaghji
À fiure andacciane
Arrussiti da soli
Ch’appacianu i ruscelli
Di e mente nustrale
‘Ss’isulelle quanciane
Cum’è un antru ghjornu
Un zitellu disceta
L’acqua di a spiranza
Chì era inturbidita
È si sparghje a scossa
Cum’è fussi una reta
Chì vene à catturà
I sogni d’una vita
Cum’è un antru ghjornu
Cum’un antru luciore
Una voce casana
Ch’à u core s’incalca
Si palesanu l’ochji
Un sicretu d’amore
È mutanu i paesi
Quandi u sguardu s’allarga
A.P.
28/04/2022
Fiura : Vista di u lagu, Akseli Gallen-Kallela (1901)