Tempoli, tempi fà. Capitulu 17 – Un clienti intarissatu.

U 6 di marzu di u 2021, La Jalva. Meziornu.

Romain hè statu invitatu da Simon è Madame Josiane à magnà pasti è tant’altri affari.

Sò in traci di magnà. A vicina esci da a so vechja casa, ind’u so ortu è fighjula incù i so canuchjali. Sta vicina, l’avareti capita, hè l’eletta Martine. Edda faci nici di chjamà a so ghjatta : « Griselle ! »

Voli sapè tuttu annantu à tutti.

Simon si ne và à a finestra è dici : « Mais c’est une vraie mégère celle là ! Allons… »

Romain, eddu, ridi di a so cullega di cunsigliu municipali.

À a fini di u ripastu, Simon dumanda un serviziu à u cunsiglieri municipali : renda custruttibuli un tarrenu in piena muntagna, vicinu à un rifughju pà crià « gites ruraux » pà u so fiddolu. Di manera evidenti, Romain dici ch’eddu dumandaria à u merri ma chì u risultatu saria di tutta manera negativu.

Madame Josiane dici : « Madame Josiane demande que ça soit fait urgemment pour son beau-fils. Allez, que ça saute ! On ne vous a pas élus pour rien. »

Romain alza i bracci in celu. Eddu, pupulistu, ch’avia fattu prumessi d’ùn prumetta nudda à nimu. U ci truvemu ind’una situazioni clientelista ch’eddu voli fughja. À tutti i costi.

Prova di cambià di sughjettu è torna à l’urdinatori di Simon, in cattiva cundizioni.

À a fini di u dopu meziornu

Romain esci da a casa è Simon l’accumpagna ananntu à u caminu di u ritornu.

Torna à Vignali, li dumanda un sicondu serviziu : « A me fiddola vivi in Ferona. Saria pussibuli di falla imbuscià à a merria, postu chì sè bè incù u merri di manca ? Ghjustu quissu è ti lasciu tranquillu. Ani privistu di apra un novu centru di a cultura, podassi chì…»

Romain, malignu , ùn rispondi micca a prima volta.

Simon ghjunghji à a so vittura pà pidda una quindicina di litri d’alcool destinati à u Brasileiro, locu induva si vendi alcool di manera piattata, apartu ancu di manera piattata, ind’a casa maiò di Michel Migalli.

Eddu, cunfidenti, dici à Romain : « Tu vois, Muriel m’a croisé, même pas le geste de venir me payer et prendre les bouteilles. J’ai fait 14 km pour les prendre ! »

In fatti, a vittura di Muriel hè in panna è Michel ùn pò più cunducia. In più, Muriel ùn voli micca fassi rimarcà ind’i magazeni piddendu alcool. Saria suspettata rapidamenti, dunqua dumanda à i clienti di piddalli l’alcool è altri articuli pà u Brasileiro.

Mentri Simon pidda u saccu d’alcool è u tichettu, dumanda un altra volta à Romain u serviziu d’imbuscià a so fiddola : « Allez, rends-moi ce service ! C’est simple ! Ma fille s’appelle Olga, elle connaît le maire, est encartée au PS mais n’ose pas le lui demander. C’est ton ami de faculté, si tu peux essayer… »

À issu mumentu, una volta di più, Martine faci nici di pruminassi incù un saccu pà a spesa.

Si piatta ed ascolta a cunversazioni incù a manu dritta vicina à a so arechja è incù l’arregistratori.

Simon a vedi è li dici : « Ah elle met toujours son nez partout, celle-là! Mais vraiment Martine, tu es une vraie mégère ! Tu te crois quoi ici ? Tu n’es même pas d’ici! Tu nous pourris la vie ! Fora ! »

Martine rispondi incù u so accentu di a Provence: «Pétard ! Tu n’es qu’un bon à rien. Ah, et Madame Josiane, elle te trompe, tiens. Elle t’a bien plumé ! Ha ! »

Simon ghjira a testa.

Romain, sta volta, dici a verità à Simon : « Sò elettu di issa municipalità di dritta radicali. Ùn sò micca di manca. Emu fattu campagnan annantu à prubità, u fattu di mandalli tutti fora, u fattu chì tutti i pulitichi siani corrotti è mi dumandi quissa ? Agjhju una certa deuntulugia, quantunqua ! Sò pupulistu, ùn sò micca u sistemu chì difendi tù ! Hè una pratica feudali.»

Simon riparti amaru è entra ind’u bar incù u so saccu carcu di butteglii.

Romain entra in casa è scrivi un tweet, azezu : «  “Tu me la fais embaucher ma fille?” Vous croyez que j’ai quoi? Des baguettes magiques? Et puis question déontologique… »

U clientelismu di l’anzianu merri sucialistu t’hà sempri a vita dura in Tempoli.

 

Lasciate un cummentu ?

Questo sito usa Akismet per ridurre lo spam. Scopri come i tuoi dati vengono elaborati.