Vittura vechja

Tempoli tempi fà – Capitulu 12 : Una vittura micca cum’è l’altri.

12 di dicembri di u 2020.

Martine hè accantu à u so sciaminè, t’hà u fretu sta sera.

Dopu ad avè chjamatu à Claudine, scrivi qualcosa è metti in baddu un culpacciu.

Tandu, pripara una scruccunaria pà u lindumani.

Inù i so reti municipali, cunnosci à qualchi parsoni chì pudariani metta u focu à a so vittura è cusì fassi rimbursà da l’assicurazioni.

In fatti, Martine t’hà una vittura ch’ùn trova micca cumpratori è li veni l’addisperu chì i difficultà finanziarii sò impurtanti pà rimbursà u creditu di issa bedda vittura.

Qu’à cela ne tienne !

Martine pidda u so telefunu è chjama à Michel Migalli.

Michel cullezziona l’anziani vitturi accantu à a so casa. Una di i so vitturi, a più mezza, hè ancu pîena di carta ghjurnali è di sacchi di magazzeni.

Michel t’hà un idea tremenda : traficà u mutori di a vittura pà ch’eddu piddessi focu quand’è Martine metti u cuntattu. U colpu parfettu, insomma.

Martine ùn marchja micca, corri !

13 di dicembri di u 2020

Ott’ori di mani.

Michel hà travaddatu tutta a nuttata pà trafficà u mutori.

Martine prova à metta in marchja u so mutori. E pan, i fiammi venini sopr’à a carruzzaria !

Martine si metti à pienghja davanti à i parsoni prisenti in issa stretta bughja di La Jalva.

Grida : « Ma voiture ! Pétard ! Elle coûte des millions de sardines celle-là ! Aidez-moi ! »

I spinghjifochi venini ind’u quartu d’ora ma a vittura hè di ghjjà distrutta à 90 %, ùn ci ferma chì a carruzzaria.

Martine spiega à un ghjurnalistu prisenti annantu à i lochi : « Je suis dévastée ! Encore des migrants qui m’ont sapé ma bagnole ! Vous allez voir, on va renforcer notre arrêté anti migrants à la mairie ! Ça suffit ! Basta. »

Faci publicà dui articuli annantu à u ghjurnali « La Robbiera Tempolisi » pà un sustegnu à a dimarchja.

In fondu à edda, a vichjetta hè cuntenti è hà riesciutu u so colpu, vistu chì l’assicurazioni rimborsa a vittura à u so valori d’urighjini.

14 di dicembri di u 2020

Claudine telefuna à a pulizza di Tempoli pà accusà à Michel Migalli d’avè brusgiatu a vittura di Martine, testimonia in issu sensu à u cummissariatu di Ferona. Hè cuntentà di lampà in prighjò u so ex cumpagnu, chì a so lagnanza precedenti hè stata classificata senza seguita dopu à pressioni pulitichi.

Risultatu, Michel hè purtatu à u cummissariatu è hè missu in detenzioni preventiva.

U bar clandestinu funziona sempri grazia à Muriel chì metti una publicazioni in linea.

«Coucou les clients du Brasileiro. C’est rapé Michel est en taule pour avoir foutu le feu à la bagnole de Martine. Pas d’inquiétude il y a la relève au bar ciao bisous»

Michel hè lasciatu libaru dui ghjorni più tardi senza prova cuncreta è ripidda l’attività à u bar clandestinu.

Martine hà prumissu 10% di a somma à Michel in casu di grossa somma di l’assicurazioni.

23 di dicembri di u 2020

Carla Migalli si ne torna in Tempoli.

Era riturnata incù u so maritu mà sta volta, s’hè resu contu di a nova vulintà di scruccunaria di a so donna è hà dumandatu u divorziu à i so torti esclusivi, provi à l’appoghju.

In situazioni dilicata è senza travaddu, Carla ghjunghji à rifughjassi in Tempoli pà i vacanzi di Natali.

Tandu, l’annata à vena sarà podassi difficiuli pà Carla.

Lasciate un cummentu ?

Questo sito usa Akismet per ridurre lo spam. Scopri come i tuoi dati vengono elaborati.