Elezzioni americani, i partiti “sicondarii” : u Green Party (2/3)

U 3 di nuvembri di u 2020, si finisci l’elezzioni americani par disignà u novu prisidenti di i Stati Uniti. Di i dui candidati principali, frà i quali si ghjoca davveru l’elezzioni, ci n’avemi abbastanza parlatu. Donald Trump, prisidenti dapoi 2016, hè u candidatu di u Partitu Ripublicanu, è Joe Biden, viceprisidenti di Barack Obama duranti ottu anni, hè u candidatu di u Partitu Democraticu. Biden hè, par avali, u favuritu di st’elezzioni. Menu cunnusciti sò l’altri candidati di l’elezzioni americani. Ni prisintaremi dui : Joe Jorgensen, a candidata di u Partitu Libartarianu, è Howie Howkins u candidatu di u Partitu Ecologistu (Green Party). In st’articulu, trattaremi di H. Howkins, u candidatu ecologistu.

Andeti quì s’è vuleti leghja l’articulu nantu à u Libartarian Party : Joe Jorgensen

Un partitu eculogistu statiunesi

U partitu eculogista americanu, chjamatu Green Party of the United States hè una cualizzioni di i partiti eculogisti di i Stati-Uniti. Hè statu fundatu in u 1996. In u 1996 è in u 2000 u candidatu à l’elezzioni prisidenziali hè Ralph Nader, avucatu spizializatu in u dirittu di i cunsumatori. In u 2004 hè David Cobb u candidatu è Jill Stein in 2012 è 2016. In u 2016 u paghju Stein/Baraka utteni 1.06% cù 1 457 222 voti. In u 2000, fecini 2.7% cù 2 883 105 voti, u risultatu u più altu di u partitu.

Jill Stein, candidata in u 2012 è in u 2016.

U partitu po’ essa cunsideratu com’è vicinu di i partiti eculogisti d’Auropa. Sò favurevuli à un modu di scrutinu pruporziunali plurinuminali (vali à dì i sedii sò spartuti in prupurzioni di i voti raccolti). Difendini dinò l’idea di u referendum pupulari è voli riducia di manera significativa i spesi militarii di i Stati-Uniti.

Ralph Nader, chì hà fattu 2.7% è 2.8 millioni di voti in u 2000.

Sò particularmenti influenti in Califurnia, in Pennsilvania è in u Wisconsin. In l’università sò dinò assai sustinuti. Difendini dinò i minurità etnichi è sessuali americani.

Annu Candidati Voti %
Prisidenza Viceprisidenza
1996 Ralph Nader Winona LaDuke 658 128 0.7
2000 Ralph Nader Winona LaDuke 2 882 000 2.7
2004 David Cobb Pat LaMarche 119 859 0.1
2008 Cynthia McKinney Rosa Clemente 161 603 0.1
2012 Jill Stein Cheri Honkala 469 628 0.4
2016 Jill Stein Ajamu Baraka 1 457 044 1.1
2020 Howie Hawkins Angela N. Walker ? ?

 

L’elezzioni di u 2020

U logo di campagna di Hawkins è Walker

U candidatu par l’elezzioni di u 2020 hè Howie Hawkins. Attivistu dapoi anni è anni, era oppostu in l’anni ’70 à a guerra di u Viêt-Nam. Hà lavuratu fin’à l’anni ’90 in a custruzzioni in New England. Hè militanti in u Green Party dapoi u 1984. Hè cufundatori di l’urganisazioni anti-nucleari Clamshell Alliance in u 1976. Hè statu candidatu par essa guvernatori di New York parechji volti.

Howie Hawkins, u candidatu di u 2020.

Nantu à a saluta difendi un sistema naziunali di saluta, cù una guvernanza eletta à u nivellu lucali.

« A community-controlled national health service, delivering services largely through publicly owned clinics and hospitals employing salaried staff, and governed by a federation of locally-elected boards, will provide better accountability and cost control than a top-down Medicare-like national health insurance system paying mostly private providers to deliver health services ». (1)

Nantu à l’energia, difendi a surtita di u sistema capitalistu chì strughji l’embienti :

« We will never reverse pending planetary environmental collapse as long as we have a capitalist economy where competition for profits drives the blind, relentless growth that is consuming the environment, heating up the planet, and destroying ecological foundations of human civilization ». (2)

Hawkins hè favurevuli à un marcatu libaru, in u quali l’aienti poni viaghjà, cumprà è lavurà franchendu i cunfini senza ristrizzioni.

« International borders should be authentic fair-trade zones where people are free to travel across borders for work, shopping, recreation, and residence ». (3)

Però, u GP hà una cuncezzioni quasi-marzista di u capitalistu, è si piazza à u latu di i lavuratori :

« Capitalists pay workers a fixed wage and take the rest of the value workers’ labor creates as profit. Capitalists take more unearned income as rent and interest in excess of the costs of production ». (4)

Sò dunqua opposti à i monopoli, è volini un sistema di tassi più prugressivu.

Nantu à l’educazioni, difendini a libartà academica è a surtita di una logica di “teaching to the test” :

« First, educational policy should be made primarily by teachers and parents through locally elected school boards. […] Second, we must end high-stakes testing, which has reduced education to teaching to the test. It punishes students, teachers, and schools in high-poverty school districts simply for being poor”. (5)

Sò dunqua piuttostu una forza pulitica di manca, chì hà a capacità di mubilizà parechji millioni d’elettori è chì hè assai vicina di i nosci partiti eculogisti d’Auropa.

Par infurmazioni cumplementarii pudeti andà nantu à u situ di Howie Hawkins : https://howiehawkins.us/

è nantu à Ballotpedia  https://ballotpedia.org/Howie_Hawkins_presidential_campaign,_2020

Vi cunsigliu dinò u situ FiveThirtyEight chì pruponi pridizzioni assai intarissanti nantu à l’elezzioni : https://projects.fivethirtyeight.com/2020-election-forecast/

(1) https://howiehawkins.us/perspectives-and-policies/

(2) Listessu ligami.

(3) Ibid.

(4) Ibid.

(5) Ibid.

 

Lasciate un cummentu ?

Ce site utilise Akismet pour réduire les indésirables. En savoir plus sur comment les données de vos commentaires sont utilisées.