[LIVE] Risultati di l’elezzioni presidenziali di i Stati Uniti 2020

Bona sera à tutti !

Annant’à sta pagina, seguiteremu inseme i risultati di l’elezzioni presidenziali americane.

Elementi di cuntestu

Picculu riassuntu. D’une parte avemu l’attuale presidente Donald J. Trump, hè statu ricundutu cum’è candidatu di u partitu Republicanu chì si trova à a diritta di u spettru ideulogicu americanu. Da l’altra, u candidatu di u partitu demucraticu, Joe R. Biden ch’hà vintu a primaria di u partitu demucraticu di pettu à u sucialistu Bernie Sanders è altri candidati più muderati cum’è Michael Bloomberg o Pete Buttigieg.

U prima dibattitu frà i dui candidati fù una cacufunia mai vista in a Storia di a pulitica americana. U sicondu dibattitu ùn ci hè mai statu per caghjone di u Covid19 (Donald Trump avia chjapatu u Sars-CoV-2 è Biden ùn vulia dibatte cun ellu). U terzu dibattitu, appena più calmu era pienu di tensioni dinù.

U paese pare divisu cum’è mai ùn l’hè statu prima di a Guerra di secessione (1861-1863) incù dui America ch’ùn vulianu più campà inseme: un’America ultracunservatrice, à prò di l’arme, contru à l’abortu, prò isulamentu internaziunale, è naziunalistu (America first), è di l’altra un’America multiculturale, à prò di l’abortu, à prò di l’immigrazione è di u « Dump Trump », vale à dì, Lampemu à Trump fora di a Casa Bianca.

I scandagli

S’è i scandagli da a scala naziunale danu tutti à Joe Biden vincitore, ci vole à sapè chi sò i delegati di u Cullegiu eletturale chì sceglienu u presidente di i Stati Uniti. Ci vole à uttene almenu 270 delegati per vince l’elezzioni. Per uttene delegati, ci vole à uttene à maghjurità in i Stati federati (Califurnia, New York, Florida, Carolina di u Nordu ecc). Più u Statu hè pupulatu, più ci sò delegati da uttene. I Stati i più pupulati sò a Flurida, a Califurnia, New York è u Texas.

Eccu u scandagliu u più recente per davvi un’uchjata :

Da a scala statale, i scandagli sò un più stretti è Trump puderia (ancu s’ella hè imprubabile) vince parechji Stati chjave per a vittoria (Texas, Carolina di u Nordu, Pensyvalnia, Flordia ecc.) Eccu una cumpilazione di scandagli da a scala statale fatta da u Grand Continent:

U live

[02/11/2020: 23ore49]: Seguitate u live annant’à sta pagina ! Publicheremu parechji grafichi è analisi annant’à i risultati è reazzioni di i candidati. Principierà dumane à partesi da 11ore di a sera u 03/11/2020.

[03/11/2020: 15ore00]: Ritruvate puru una prisentazione di i principali candidati è di 2 dui candidati di picculi partiti (u partitu libertarianu è u partitu verde). Pichjate quì per u candidatu libertarianu, quì per u candidatu verde, è quì per i dui principali candidati republicanu è demucraticu

[03/11/2020: 21ore20]: arrisera, 99.7 milioni d’Americani avianu vutatu di manera anticipata, chì 63.9 milioni per currispundenza è 35.7 milioni in prisenziale. In u 2016, eranu 47 milioni, per una participazione finale di 136 milioni d’elettori.

[03/11/2020: 21ore59]:  A participazione in parechji Stati federati hè abbastanza impressiunante. Sicondu à parechji usservatori, ci hè una participazione più forte chì d’abbitudine in Filadelefia, in u Winconsin, in Florida è in Texas chì sò Stati chjave per a vittoria finale. Per u mumentu hè difficiule da dì à quale hà da apprufità quella aumentu di participazione. S’usserva un aumentu in lochi à proò di i demucratichi in Floria è di i cunservatori in Filadelfia.

[03/11/2020: 22ore05]: Aspettendu à i risultati parziali è ufficiali, vi prupunimu a carta cumpilata da 270towin mostrendu una vittoria prubabile per u candidatu demucraticu Joe Biden. In grisgiu sò i Stati federati induve Trump è Biden sò guasgi à ugualità.

[03/11/2020: 23ore10]: A direttrice di campagna di Biden cunsidereghja una disfatta in Florida è in Pensynlvania tuttu assicurendu ch’è a vittoria hè tutalmente pussibile senza sti dui Stati.

[03/11/2020: 23ore29]: 32 % di i votanti di l’exit poll di CNN dicenu chì esse « una forte capifila » hè a qualità di u candidatu chì hà più impurtatu per sceglie u so candidatu, seguita da 24% per un bon giudiziu, 21% per chè u candidatu « hà da difende i so interessi » è 19% per « unisce u paese ».

[03/11/2020: 23ore36]: U mudellu di previsione eletturale di The Economist dà à i Demucratichi una probabilità di 99% di mantene una magiurità in a Camera di i Rappresentanti. S’è Trump vince l’elezzioni, ùn puderà passà tutte e misure di u so prugramme. S’è Biden vince, averà una Camera favurevule à e so misure ecunomiche è suciali.

[03/11/2020: 23ore46]: Fox News chì annuncia chè 72% di l’elettori sò favurevuli à una cupertura di salute publica, hè qualcosa chè ci vole à avè vistu. Quest’infurmazione và in favore di u candidatu Demucraticu.

[03/11/2020: 23ore52]:A participazione à l’elezzioni americani puderà ghjunghje à 67%, a più alta in più di un seculu, vale à dì, l’elezzioni di u 1908. (Via The New York Times)

[04/11/2020: 00ora05]: Hè compiu u votu in Kentucky è Indiana. Ferma un’ora per vutà in Florida.

[04/11/2020: 00ora12]: Sicondu à CNN a cumpusizione di l’eletturatu hè : Bianchi 65% (-6 / 2016) Ispanichi 13% (+2) Afroamericani 12% (=) Asiatichi 3% (-1) Altri 6% (+3) 18-29 anni 16% (-3) 30-44 anni 23% (-2) 45-64 anni 38% (-2) 65 è più di 23% (+7)

[04/11/2020: 00ora18]: Donald Trump si feliciteghja chì a tendenza  seria in a so favore.

[04/11/2020: 00ora18]: Risultati dopu à 1% di i voti cuntati in Kentucky: Trump: 76% – 9,659 Biden: 22% – 2,801
[04/11/2020: 00ora23]: Risultati dopu à 2% di i voti cuntati in Indiana Trump: 68% – 37,585 Biden: 29% – 16,285 Reporting: 2%. Ci vole à ramintà chì s’è Trump vincerà quelli dui Stati federati, hè pussibile chi u republicanu face un percentuale menu forte chì in u 2016.
[04/11/2020: 00ora35]:  Joe Biden passa davant’à Donald Trump in u Kentucky dopu à 8% di i voti cuntati. U Kentucky hè u Statu nurmalemente à prò di Donald Trump.
[04/11/2020: 00ora40]: Donald Trump hè in testa in u New Hampshire per u mumentu, un Statu ch’era in favore di Joe Biden in i scandagli : Trump: 61,5% Biden: 38,5%
[04/11/2020: 00ora50]: Donald Trump ripasseria in testa in u Kentucky s’è a tendenza cuntinueghja cusì. Ci hè 8 gran elettori da vince in quellu Statu.
[04/11/2020: 00ora57]: Ùn serà più pussibile di vutà in Florida da quì à 5 minuti. I risultati di quellu Statu saranu impurtantissimi. Una vittoria di Joe Biden in Florida pruvucaria una disfatta di Donald Trump.
[04/11/2020: 01ora01]: Joe Biden seria in testa in Virginia. Ci hè 13 gran elettori da piglià in quellu Statu. Stu risultatu pare nurmale sicondi à i scandagli pre-elezzioni.

[04/11/2020: 01ora05]: Chjuditura di e stazioni di votu in u statu chjave di Georgia è altri cinque Stati.

[04/11/2020: 01ora06]:Risultati parziali in Florida : Donald Trump: 54.8% – 187,330 Joe Biden: 44.3% – 151,189 Reporting: 3%. Hè un Statu impurtantissimu chì Donald Trump ùn si pò permite à perde.

[04/11/2020: 01ora15]: Donald Trump hà vintu a Virigina Occidentale (5 gran elettori), Joe Biden a Virginia è u Vermont. Per u mumentu a carta di i Stati Uniti hè cusì :

[04/11/2020: 01ora23]: Joe Biden ripassa in testa in Florida cun guasgi 50% di i voti cuntati: Trump: 47.9% Biden: 51.3%

[04/11/2020: 01ora26]: 5 minuti prima di a chjosura di l’uffizii  in Ohio, Virginia Occidentale, Carolina di u Nordu.

[04/11/2020: 01ora33]: Joe Biden è Donald Trump sò à 50/50 in Florida. Hà da esse una longa strada. Sicondu à u New York Times, Trump hà una prubabilità di 9/10 di vince stu Statu impurtantissimu.

[04/11/2020: 01ora35]: Sicondu à u NYT Joe Biden hà 61% di prubabilità di vince a Carolina di u Nordu. Statu impurtantissimu per a so putenziale elezzione.

[04/11/2020: 01ora43]: A Georgia induve ci hè 16 gran eletti, u conte hà principiatu, di solitu stu statu hè republicanu. Trump seria in testa sicondi à i primi risultati: Donald Trump: 49.6% – 125,805 Joe Biden: 49.3% – 125,053 (5% reporting)

[04/11/2020: 01ora45]: Joe Biden hè in testa sicondu à i risultati parziali in Ohio ch’hè un swing State.

[04/11/2020: 01ora48]: Joe Biden hà vintu u Maryland induve ci hè 11 gran elettori. Stu Statu federatu era à prò di Biden sicondu à i scandagli pre-elezzioni.

[04/11/2020: 01ora50]: Joe Biden hà vintu u New Jersay. 14 gran elettori di più per u demucraticu.

[04/11/2020: 01ora51]: Joe Biden hà vintu u Massachussets. 11 gran elettori di più per u demucraticu. 

[04/11/2020: 01ora52]: Joe Biden hè in testa in l’Ohio cun 66% di i voti incù 20% di i voti cuntati. 

[04/11/2020: 01ora55]: Donald Trump hà vintu l’Oklahoma. 

[04/11/2020: 02ore00]: Donald Trump hà vintu a Carolina di u Meziornu.

[04/11/2020: 02ore03]: U Statu di a Pensylvania, ch’hè un Statu super impurtantissimu per Donald Trump s’ellu vole esse rielettu seria in toss-up per u mumentu, vale à dì chì i dui candidati sò à 50/50 per u mumentu.

[04/11/2020: 02ore05]: Joe Biden hà vintu u District of Colombia (Washington DC) è u Delaware, chì sò dui Stati à prò di i demucratichi. Joe Biden hà vintu l’Illinois, è ottene 20 gran elettori di più. Eccu a carta di i risultati per u mumentu :

[04/11/2020: 02ore11]: Novi risultati sò arrivati, per u mumentu : Trump vince in Kentucky West Virginia Oklahoma Tennessee Mississippi Alabama South Carolina è Biden in Virginia Vermont Rhode Island New Jersey Massachusetts Maryland. Illinois Delaware Connecticut

[04/11/2020: 02ore16]: Pare tuttu chì Donald Trump hà vintu a Floria, Statu impurtante per a so putenziale rielezzione. Nundimenu, l’affare ùn hè compiu è bisogna à vince tutti i Swing State s’è Trump vole esse elettu. Biden hè sempre u favuritu per u mumentu.

[04/11/2020: 02ore18]: In l’Ohio Joe Biden ferma in testa. Stu Statu hè impurtante da vince per ellu s’ellu vole esse u prussimu prisidente di i Stati Uniti. Donald Trump: 43.2% – 1,125,172 Joe Biden: 55.6% – 1,446,127

[04/11/2020: 02ore22]: risultati stretti stretti in Texas. Donald Trump ùn pò perde quellu Statu o serà finitu per ellu: Donald Trump: 49.2% – 1,577,962 Joe Biden: 49.4% – 1,583,950 Reporting: 24%.

[04/11/2020: 02ore25]: Basatu annantu à stati dichjarati finu à avà, Biden hà una probabilità di 67% di vince l’elezzioni, Trump 32%. Per u mumentu Biden ferma in testa in u Texas ciò chì mette in perriculu à Donald Trump.

[04/11/2020: 02ore48]: Trump hà 8/10 prubabilità di vince in Georgia è 71% in Carolina di u Nordu chì sò Stati chjave per vince l’elzzioni

[04/11/2020: 03ore03]: Hè sempre cumplicatu l’affare in Texas per u mumentu. Trump vince l’Arkansas, u Kansas, è Biden u Colorado. A carta si prisenta cusì per u mumentu:

[04/11/2020: 03ore08]: Trump vince u Wyoming, u Nebraska è u Dakota di u Nordu (3 + 5 + 3 gran elettori). Joe Biden vince New York (29 gran elettori).

[04/11/2020: 03ore09]: Trump vince u Dakota di u Meziornu (3 grand elettori).

[04/11/2020: 03ore12]: Biden vince u Novu Messicu (5 gran elettori).

[04/11/2020: 03ore19]: Trump sempre in ritardu in in Ohio. 150.000 voci di differenza. Nunda ùn hè fattu  per u mumentu.

[04/11/2020: 03ore24]: Donald Trump hà avà 50% furtuna di vince l’elezzioni.

[04/11/2020: 03ore43]: Trump hè avà à ugalità in u Statu impurtantissimu di l’Ohio.

[04/11/2020: 03ore55]: Trump in testa in Michigan è in Winsconsin. Sti dui Stati ùn eranu previsti da esse republicanu sta sera ma per u mumenti sò solamente risultati parziali. S’è Trump vinci sti dui Stati è cunserva u Texas, hè guasgi assicuratu di vince l’elezzioni.

[04/11/2020: 04ore03]: A lacuna si allarga in favore di Trump in Texas è Ohio…

[04/11/2020: 04ore05]: Trump hà avà 75% furtuna di vince l’elezzioni.

[04/11/2020: 04ore10]: Nasdaq 100 futures cresce perchè u presidente Trump si comporta megliu di ciò chì era previstu in l’elezzioni americani.

[04/11/2020: 04ore11]: Trump hà un 85% di probabilità di vince secondu e scumesse.

[04/11/2020: 04ore40]: Sicondu à u scandagliu CNN exit poll, Trump hà fattu megliu in u 2020 cù ogni razza è genere eccettu l’omi bianchi. Cambiamentu da u 2016: Omi Bianchi -5 Donne Bianche +2 Omi Negri +4 Donne Nere +4 Omi Latino +3 Donne Latine +3 Altri +5

[04/11/2020: 04ore41]: Joe Biden hà vintu in Arizona ch’era un Statu ch’avia vutatu Donald Trump in u 2016

[04/11/2020: 04ore45]: S’ella cuntinueghja cusì… puderia compie si cusì. Mancaria solu qualchì Stati impurtantisismi per sceglie u vincitore.

[04/11/2020: 04ore47]: A preoccupazione cresce in u latu demucraticu. A notte cumencia à assumigliassi à quella di. Nuvembre 8, 2016.

Pare avà chì a vittoria di Donald Trump hè assicurata. Mettimu u LIVE in pausa sin’à 7-8ore per dorme un pocu. Bona nuttata à tuttu u mondu è vi ringraziemu per a vostra presenza cun noi.

[04/11/2020: 09ore35]: Trump hà pruclamatu a so vittoria. Tandu, tutti i risultati ùn sò stati cumunicati per u mumentu è Biden hà dichjaratu chì l’affare pare bonu per ellu. Una cunfusione cum’è mai vista dapoi u 2000 (Bush vs Gore). Parechji Stati aspettanu un pocu per cuntabilisà voti mandati da a posta. Una vittoria di Biden pare pussibile ancu s’è Trump hè in testa in i Stati restanti per u mumentu. Ci hè più d’1 millione di voti da cuntabilisà in Pensylvania, Statu chì puderia fà a vittoria di Trump o di Biden.

Hà da esse longu l’affare…

Lasciate un cummentu ?

Ce site utilise Akismet pour réduire les indésirables. En savoir plus sur comment les données de vos commentaires sont utilisées.