Tempoli, tempi fà – Sestu capitulu « U dolci tradimentu »

Tempoli, u 26 di marzu di u 2016.

Carla Migalli hè azeza.

Azeza parchì ?

Si hè disputata incù u so maritu à prupositu di muneta, ch’edda voli apprufittà di una parti di i « dolciumi » (capiscia i soldi) arrubati da a famidda di u scrucconu di Stéphane.

Ne una ne dui, u dinuncia à a pulizza di Tempoli, luntanu di a piccula cità di Salzena, citadella forti di u PST.

In Tempuli, tandu, a pulizza ùn faci più maneri à nimu, omancu à Michel incù u cambiamentu di merri è u muvimentu P3 ghjuntu à u puteri.

Comu si dici – qu’à cela ne tienne – Michel hà datu soldi à i riprisintanti di a merria P3 pà limità i cuntrolli ind’a so struttura. Issa listessa pulizza è u tribunali amministrativu ùn sarani dolci incù Stéphane è a so famidda.

11 ori di mani.

Carla ghjunghji à u cummissariatu piena di provi è di lettari.

In Tempoli, hè presa cum’è parsona seria, l’audizioni durendu più di quattru ori. Ne appruditta ancu pà purtà lagnanza pà colpi è feriti, causa inventata pà ghjustificà a so prisenza è pà mandà Stéphane in prighjò.

À a surtita, ritorna in Salzena, fiera.

Fiera, ma parchì ?

Salzena. 8 ori di sera.

Carla magna un puddastru incù u so maritu in casteddu soiu.

A pulizza pichja à a porta.

Carla si metti sott’à scali in marmaru di u casteddu è si metti à gridà, avendu fattu nici di essa stata viulentata da u so maritu.

U maritu, Stéphane, apri a porta à a pulizza ed hè subitu purtatu via.

Eddu grida a so donna, partendu : « Mais pourquoi me fais-tu ça ? Mais pourquoi ? »

Fighjulendu bè chì a vittura di pulizza sia partuta, si metti à rida è chjama à u so babbu, Michel.

Parchì, infatti, hè un colpu muntatu da Michel pà piddà i soldi di Michel è di a so famidda.

U lindumani, è senza travaddu, Carla è u so fiddolu priparani i so affari è partini ind’una casa in legnu luntana da Salzena incù un prezzu d’affittu di 5000 €/mesi.

Ma induva i piddarà i 5000€ ?

Tempoli, u 20 d’aprili di u 2016.

Carla si ne va à veda un nutariu amicu di u so babbu chì faci affari incù a mafia lucali. Un ripoux, cum’è si dici.

U nutariu li dumanda una lista di i bè di u so maritu è 20000€ in muneta.

Riesci à sorta issi 20000€ è a scruccunaria pò cumincià.

U nutariu trova un cumplessu di 25 casi in Australia, 1 casa in Cina, u casteddu, 14 vitturi, un appartamentu in Francia (Carros) è 14 millioni €. Eddu prova à falsificà qualchi ducumenti pà dalli dui casi in Australia è l’appartamentu in Carros.

Bingo, ci riesci.

Madame Carla è pruprietaria di tutti issi bè di manera illecita grazia à una bedda scruccunaria.

Ringrazia u nutariu è si ne va.

U 27 d’aprili di u 2016.

Carla vendi un appartamentu Australianu in viager pà u so babbu incù una parti iniziali di 150000€. Cusì pudarà cumprassi una Tesla è avè qualchi ecunumii da cantu.

U 22 d’aostu di u 2016

Stéphane sorti di prighjò è rendi visita à Claudine in Ferona pà racuntalli tuttu, da l’accusazioni fittizia à a prova di scruccunaria fatta da Carla è Michel.

Pienghji di essa statu trattatu di una tali manera, eddu, u maritu attenziunatu, bravu incù tutti.

U 21 di sittembri di u 2016

Carla metti una publicazioni facebook rintracciandu u so matrimoniu incù una certa forma di nustalgia è dici « u pardonu hè a me prima qualità, u me <3 ». Irunia da a parti di una scruccona pronta à tuttu.

U 22 di sittembri di u 2016

Edda si moscia ad una festa incù u so fiddolu è amichi cumuni in un bar cunnisciutu. Tra l’invitati ci hè u famosu Stéphane. Annantu à a video facebook, si vedi chì…Stéphane è Carla si mettini à baddà insemi.

Iè, à baddà insemi. U mondu ùn ghjira bè, ùn hè ?

U 14 d’uttrovi di u 2016

Carla metti una publicazioni annantu à Facebook.

Issu saccu, Carla l’avia podassi ghjittatu di rabbia è voli ricuperallu. Troppu tardi, hè statu purtatu à u rumenzulaghju.

Dopu à tanti scruccunarii è tradimenti, si rimettini insemi ?

Claudine, edda, vedi tutta a storia di Carla, chì iss’ultima ùn l’hà mai ritiratu di i so amichi annantu à a piattaforma.

Strana issa storia.

Lasciate un cummentu ?

Ce site utilise Akismet pour réduire les indésirables. En savoir plus sur comment les données de vos commentaires sont utilisées.