Vogliu cantà per tè, mi lasci ùn sò perchè
O cara preferita
Avanzu in a nuttata cù l’alma addulurata
Cusì trista è ferita
Ti cantu ste canzone chì sempre in li to sogni
Volenu risunà
È lu core chì batte, la me mente chì schiatta
U filu sunnià
S’empie tutt’a mo vita di tristezza infinita
Sott’à lu to balcone
A luna à pianghjulà è in celu culà
L’estru d’a mo passione
More lu ghjornu senza fà tace quella assenza
Chì a pena sumena
Ed in sta calma notte, lucenu li to ochji
Cù la luna serena
Si mischja lu mio cantu à l’acqua quì accantu
Chì corre in la funtana
Po scappa lu mio pientu in murmuru di ventu
Sciroccu o tramuntana
A puesia hè persa in quella alma spapersa
Chì cerca lu riposu
A rima s’alluntana à lu son’ di campana
Nant’u raportu posu