Pà a siconda annata, l’apuccia d’AppeBike si trova annantu à u poghju di e start-up e più innuvante d’Auropa. Dopu à dui anni di vita, femu un puntu annantu à u sviluppu d’issa impresa, è e so ambizione pà u futuru.
Una start-up ghjovana, eppuru dighjà primiata
Principiata in lu 2016, l’avintura AppeBike cumencia cù a scumessa un pocu scema di Sébastien Rognoni. Forte di un bellu sucessu incù a so impresa “Cycling Corsica”, l’hè vinutu inde l’idea di prupone un sirviziu di lucazione di Biciclette à aiutu elettricu par via d’un appiicazione d’intelefonu. Ma invecce d’imponesi in li carrughju ò annant’à e piazze di e cità, AppeBike t’hà un’idea assai uriginale è chì face à so particularità.
In cullaburazione incù l’usteriaghji, AppeBike impianta e so arnie o bugni (nome ch’ellu dà à e so stazione Ndar) davant’ à l’usterie accupendusi stessu di a mantinanza di e biciclette. Li parmette cusì d’offre un sirviziu novu à i clienti visitadori, sirviziu ch’ùn costa nulla à u prupietariu di u stabilimentu è li parmette dinò d’assicurà à u so materiale una sicurità ottima ch’ùn si pudaria imaginà d’altronde.
Una squadra ch’ùn si pianta mai d’innuvà
Sè vo passate in l’uffizii d’issa start-up, truvarette una squadretta d’ape bufunante in pienu travagliu. Di fattu, AppeBike vole sparghje e so attività. Da avè una flotta sempre di qualità ottima, u sirviziu technicu rincundissiuneghja e biciclette « vechje » di più di 500 chilometri pà vendele d’uccazione. Dipoi qualchì tempi, facenu dinò riparazzione annantu à i velò di i particulari è, durante u 2019, avarianu da fà esce un essame di trutinette elettriche AppeBike !
Oghje, u scoppu hè di fà cresce l’utilisazzione tucchendu di più a pupulazione lucale è di fà entre indi l’usi issu novu modu di trasportu eculogicu è pratticu. In le nostre cità di più in più ingurghjate è pulluate AppeBike vole imponesi cum’è a suluzione alternativa à cortu è à longu andà.
AppeBike in qualchì sciffru :
- 20 stazzione
- 150 biciclette elettriche
- 60 000 chg di CO2 salvati
- 20% di flotta ricundiziunata cansendu 700chg di guastapiglia ambientale
- 2 premii internaziunali d’innuvazione turistica
Una vera successu-storia corsa ch’ùn si pianta di cresce. I filicitemu pà i so premii è li preghemu un avvene fiuritu, dà cuntinuà à indiàssi pà un turisimu è una mubilità rispunsavili è rispittosi di l’ambiente !