Tempuli : speranza è scunfitta

Capitulu numaru ottu

Morti dritta è vittoria in fronti

 

Novi ori di sera, luni u 7 di dicembri di u 2015.

Tempu bughju, frettu.

Mancu una volpi fora.

U conclavu di la Mesa Tempulisi incù Marcel Empona è Tata Mariella s’hè bè passatu.

A ripartizioni di i seghji s’hè passata cum’è privista innanzi.

Tata Mariella, tandu, ùn hà più soldi annantu à i so conti di campagna pà fà i dui meeting finali.

Induva sarà u prublema ? Tandu Tata hà sempri a suluzioni.

U so ziu senza ziteddi, Lucien, 81 anni, anzianu primu segretariu di u PS lucali, malatu di u cancaru di i pulmoni, riccu carcu, ùn dumanda cà una sola cosa. Mora di manera veloci.

Casca bè, Tata Mariella hà bisognu di soldi.

A suluzioni hè pronta in cinqui minuti, ind’u cungelatori.

Basta à sorta 30 grammi d’amaniti murtali (falloidi, di branu) raccolti à u vaghjimu scorsu, cucinalli incù salsa di pumati è servali à Lucien.

Deci ori di sera, Tata Mariella servi a priparazioni à Lucien. Iss’ultimu magna di manera rapida issu piattu. U dulori ? Tandu, hè assenti. Si chjina.

U lindumani, Tata Mariella da a so lista di sicondu ghjiru in prifittura è si ne va à a banca, pà ritirà 60 % di a furtuna di Lucien, avendu a pracura annantu à i so conti.

Tandu, Lucien hè in traccia di mora, cum’eddu vulia, è micca di u so cancaru. Soffri mori, ma s’aspittaia à issi dulori. Eddu ch’ùn vulia mora di cancaru.

10 % di a somma ritirata, 600 000€ andarani à finanzà i meeting, i carti è l’affissi. U restu ? In istacca. Tuttu u sinemà hè assicuratu da u cuntabili di a campagna, di manera frodulosa è abili.

Marti sera, u ziu mori in casa, Tata Mariella chjama à u duttori Pelena, sicondu omu annantu à a nova lista (dopu à Marcel Empona), pà cunfermà a morti di Lucien. Eddu firma a carta sicondu à a quali Lucien « Hè mortu di cumplicazioni legati à u so cancaru » è a campagna cuntinuveghja tandu.

Un umaghju righjunali hè dichjaratu da tutti i partiti in prisenza, senza piantà a campagna alitturali.

U PS si dichjara in dolu, u P3, eddu, faci un cumunicatu è piatta i banderi di a merria di Tempuli.

Tata Mariella hè cuntenta : t’hà i soldi pà fà u so meeting. L’avvenimentu criatu da a morti di Lucien servi à fà crescia a nuturietà di a candidata, senza divulgà a verità annantu à a so morti.

Marcuri u 9 di dicembri.

Tata teni u so scontru alitturali in Tempuli, davanti à 5 000 parsoni. A sala hè decurata di a faccia di Lucien annantu à un fondu rosulu è una rosa.

Tata Mariella faci un discorsu mori appoghjatu annantu à i referenzi di u so ziu : l’umanismu, a demucrazia, u suciali, l’idei di manca pupulari.

Tandu, u publicu aderisci à l’idei sviluppati di a candidata è i tract partani cum’è picculi pani in cità.

U P3 hè divintatu un muvimentu di manca ? Manc’appena. Opportunistu quand’eddu ci voli. Di dritta pà rinvià a manca, di manca pà essa pupulari è cunservatori pà piacia à a ghjenti.

Ghjovi u 10 di dicembri

A mani, versu à 9 ori, Lucien hè intarratu in Melesa, zona muntagnola à 130 chilometri di Tempuli, sott’à li pini è la nevi à 1200 metri d’altitudina.

Tutta a nomenklatura sucialista hè cuddata. U capilista Francis Contarno in testa. Mariella, edda, faci a donna in dolu, tutta vistuta di neru.

A pupulazioni di Melesa marchja in silenziu incù rosi in manu.

A sera, versu à 7 ori, Mariella teni u so scontru in Cobella, cità medievali vicina à Melesa. Data scunfitta, faci tandu u so numaru di donna in dolu pà crià l’emuzioni in ghjiru à a so parsona è favurizzà a so alizzioni. Maligna, ùn hè ?

U dibattitu di u vennari sera ? L’hà vintu edda. Calma è trista, dandu ancu una lacrima à a fini. A ghjenti hè stata sensibuli à issa candidata particulari.

Tantu sensibuli ch’edda hà vintu.

Dumenica u 13 di dicembri di u 2015.

L’uperazioni alitturali si passani d’una manera tradiziunali in Tempuli. Froda è cumpagnia.

Marie-Christine hè sempri prisidenti di u so scagnu.

U ghjovanu aghjuntu à u sport, listessa.

U risultatu di Tata Mariella (P3) hè senza appellu.

U scagnu di Marie-Christine da, pà a prima centinaia : 57 P3, 20 PS , 13 FN, 8 pà a dritta (sempri debuli in Tempuli), 2 B/N. Di manera curiosa, u risultatu finali – annantu à 32350 voti validi – in cità hè listessu.

18 440 voti pà u P3 di Tata Mariella

6 470 voti pà Francis Contarno (PS)

4 205 voti pà u FN di Claude Rosa

3 235 voti pà a dritta di Pontrilli.

Un successu cumpletu pà l’eculugisti è i populisti di u P3.

Cunfermatu à u liveddu righjunali.

Tempoli3-t2 - Copie

À Empona a prisidenza di l’assemblea di i tarritorii, à Tata Mariella a prisidenza di a righjoni.

Tuttu issu sinemà annantu à a morti di Lucien hà fattu vincia à una candidata mafiosa, ch’ùn hà mancu esitatu à tumbà u so ziu pà vincia à l’alizzioni. Curiosu ?

Tandu, a sera, Mariella è a so squadra fistighjeghjani a vittoria incù a faccia di Lucien da partuttu, pà u folklore è i canzoni di « La Notti » è « L’internaziunali».

A so sirata si compii pà un umaghju à Lucien à un discorsu di ringraziamentu à i so sustegni :

« Aveti data una vittoria chjara à ghjenti di u riali, micca à l’apparatchik PS. È cosa impurtanti, aveti rinviatu a dritta in casa soia. Les malfrats dehors ! Et bientôt, le maire esseulé de Tempoli subira le même sort. Parce que notre ami Miralotta a des vellités pour cette ville. Ce n’est pas grâce à lui qu’on a gagné. La preuve, il n’est pas là ce soir. Il n’est pas venu enterrer mon oncle. Mais quelle honte ! Il est cuit, lui. Pas nous. On a des défis à relever. Les plus démunis nous attendent. Le revenu universel, les maisons du peuple. On l’a promis, on le fera. Lu deremi, chiltu, oi Tempulisi

Empona cumincia, anc’eddu à fà un discorsu : “Issu merri, ci hà sceltu par difettu, cunniscendu a difficultà di a noscia squadra pà vincia. L’avemi fattu. Lu ducundimi nolti. Et eux, à la Mairie, pour qui se prennent-ils? On n’a pas fini le combat contre le nucléaire, contre les pesticides et contre le grand patronat. C’est cela notre programme. Ecolo, citoyen et populaire!”

U discorsu essendu cunnisciutu da tutti, ùn istona manc’appena i sustegni di Empona è di Mariella.

Fin’à 3 ori di mani, i sustegni si raddunisciani davanti à a permanenza, ridendu è cantendu in unori à Mariella.

A seanza d’inaugurazioni di u mandatu di Mariella hè privista pà u ghjovi u 17 di dicembri.

Tandu, a vita cuntinuveghja è l’alizzioni di Tata Mariella ùn cambia nudda in Tempuli, pà u mumentu.

Lasciate un cummentu ?

Questo sito usa Akismet per ridurre lo spam. Scopri come i tuoi dati vengono elaborati.