U fattu chì a lingua latina fussi stata cunsidarata sempri com’è una “lingua morta” saria pà mè a prima raghjò di a calata di u so insignamentu. Ci vularia à mustrà l’intaressu primu di u latinu à i ziteddi o i studianti chì l’amparani. Ghjè ghjustappuntu issu ligami, palisatu o piattatu incù a lingua corsa è tuttu ciò ch’hè parlatu in u Mediterraniu.
Saria forsi l’ora di cambià a manera d’insIgnà sta lingua: fà campà a so grammatica, angoscia di tanti sculari, ma dinò capiscia u filu trà a lingua antica è a lingua muderna. Allora emu sceltu sti termini pà dimustrà chì u latinu ùn merita più d’essa cundannatu!
QUALCHÌ PARODDA
ANIMA, AE : → Soffiu di vita, l’anima.
TIMOR, ORIS : → U timori, a paura
APIS, IS : → L’apa
ASINUS, I : → Asinu
CUSTODIA, AE : → A custodia, a guarda, a cura
I VERBI
CASTIGARE → Casticà, u casticu
SUSTINERE → Sustene, sustena
TIMERE → Teme, tema
VESTIRE → Veste, vesta
L’AGHJETTIVI
ANGUSTUS → Augustus
APERTUS → Apertu, apartu. Hà datu a parodda « Aperitivu », ciò chì apri l’appitittu