Tempuli, speranza è scunfitta

Quintu capitulu.

U tradimentu di Miralotta : prima tappa.

Duranti a « festha di la màrfasa » (festa di a pastecca, prununceti « felta ») à u mesi di ghjunghju di u 2015, u merri Cassapi hè sullicitatu da a ghjenti annantu à i prughjetti municipali. In fatti, si dici chì u merri faci una pulitica troppu basata annantu à a cumunicazioni, i mossi pupulari ma micca assai annantu à l’atti.

U pupulismu rivindicatu da a squadra municipali ùn s’accumpagna tantu d’atti cuncreti.

I carrughji di a vechja cità ùn sò micca sempri puliti o rifatti, i rumenzulaghji sò sempri pieni.

U parsunali ùn hè micca tantu filici.

Pà rassicurà tutti i Tempulisi, Cassapi faci un discorsu à registru mori ironicu : « Verdi è rossu ? Sò i me culori ! A pastecca/la marfàsa, hè u simbulu di a cità ! Socu u vosciu rè ! U vosciu imperatori ! Aghju urdinatu i travaddi in cità, vidareti ! Miralotta vi darà i « màrfasi » ch’è vo vulareti. Vuteti par no ? Avareti un travaddu, subitu ! In fatti, ùn cunteti micca annantu à mè pà essa candidatu à i righjunali. A merria mi basta. »

Dopu à iss’intarvenzioni, passa a parolla à Miralotta chì li rinvia i cumplimenti :

« U me caru Cricri, Caru merri, Caru amicu !

Faci taddi tamanti in a to merria pà salvà i mobuli ! Dopu a me intarvenzioni, tuttu andarà meddu, vidarè .

Quatr’anni dopu à tutti issi travaddi ? Ti piddaraghju a merria !

Pas con le Georges !

I debiti, si pagani.

La vengeance est un plat qui se mange froid, u me caru Cricri ».

U publicu interu pidda issi frasi pà una macagna. In fatti, ùn ni sarà nudda.

U falsu alleatu di Cassapi, u prisidenti Miralotta, pensa à metta in u so listinu 2016-2019 mori prughjetti pà a cità incù 19 000 000€ di bilanciu, incù, in linea di mira, i municipali di u 2020 : Una nova piazza di u Marcatu ” La praza à lu Mercari”, a piazza di i Famosi « La praza di li Erimi », i travaddi d’aghjurnamentu pà a merria è a cità (stradi, spasseghji), 3 scoli d’immersioni in Tempulisi, u tuneddu dittu “L’isthaforu arrubiu” (5 km). I cità vicini ùn sò sminticati : Semasthosa ricevi un novu stadiu è una 2*2 vii limitata à 50 ; Roda Tempulisi ricevi 500 000€ pà rimetta in ordini a so piaghja cultivata è 500 000€ di più pà accuncià a so marina. L’intrapresa di seduzioni di Miralotta costa caru mà nudda ùn hè assai caru pà cumprà a cunfidenza di i Tempulisi è di a direttrici di cabinettu.

Parlendu di Tempuli, u merri scegli, dopu à un annu è trè mesi d’interim, una direttrici di cabinettu : Marie-Christine Perodi. Pidda i so funzioni à u mesi di luddu di u 2015. Sarà edda a vera raprisintanti di u merri in certi riunioni. In fatti, incù u so maritu merri di una cumuna vicina, Semasthosa, hè divintata in pocu tempu a vera « Manitou » di l’affari lucali. I marcati publichi ? Cuntrolla madama ! I festività ? Madame sottumetti è imponi u prugramma à Francescu. I rilazioni incù a dritta di a righjoni è Miralotta ? Hè a so carica.

Cassapi è Francescu ùn cuntrollani nudda. Omancu l’ora d’esecuzioni di i travaddi è di i festività.

A u mesi d’aostu, Marie-Christine decidi di metta in baddu a celebrazioni di a “Rivoluzioni d’Uttrovi” incù celebrazioni da u 7 d’Uttrovi à u 7 di nuvembri. U merri è Marie-Christine volini fistighjà u 98 esimu anniversariu di a nascita di l’URSS.

A u mesi di sittembri : Marie-Christine atta u fattu d’ùn prisintà Cassapi à l’alizzioni righjunali di u mesi di dicembri. A squadra municipali decidi di dà un sustegnu à una parsunalità sucialista (PS) esterna à a municipalità : Marielle Contina, alias Tata Mariella, una parsunalità cunnisciuta pà via di a so parintedda incù un capu lucali di a grandi distribuzioni. U merri è a so squadra decidani di fà campagna pà edda, incù l’amichi di Miralotta, mittendu 35 000 affissi “artistichi” in tutta a righjoni è i reti suciali.

thumbnail_6435087_1d619d3d4b806e07199d1b567cadce28a36d2709_1000x625

I sundami successivi dani tutti à Tata Mariella una debuli speranza di vittoria : trà 14% è 17%, daretu à a lista PS ufficiali à più di 22%, a dritta unita à i « lucalisti » di a « Lega Tempulisi » à 34%.

A campagna si passa di manera nurmali, senza rimusciu particulari à l’eccezzioni di a « Rivoluzioni d’Uttrovi » missa in baddu da Marie-Christine in Tempuli è a so impurtantissima fini u 7 di nuvembri.

U 7 di nuvembri, 4 ori di u dopu miziornu, davanti à a merria. I manifestanti sò più di 6 000 in custumi d’epica incù banderi rossi, falci è marteddi affiancati.

U sistema di sono passa a fondu “l’internaziunali” è discorsi tradutti di Lenine.

Tandu, issa manifestazioni piaci à Cassapi, sucialistu “non-solferinianu” appassiunatu di a storia di u cumunismu.

L’ambianza hè festiva, gioiosa.

Tuttu u populu di manca radicali hè quì. Cum’è à l’epica di u fronti pupulari.

Ricuperazioni pulitica diciarani certi ?

Cassapi apri u so balconu di a meria, fighjulendu à i so amichi è piddendu u microfonu.

Faci u so discorsu, ricurdandu à u populu Tempulisi u so stintu incunquistatu è rivuluziunariu.

Ancu s’è a so pulitica ùn hè di manca, u so stintu l’hè, dici davanti à u populu di manca.

Difficiuli da creda, tandu.

Miralotta, ancu finanziatori di l’eventu, dumanda u microfonu à Marie-Christine, chì l’impresta subitu.

Ne apprufitta pà dì tuttu u bè chì pensa di Lenine, Staline, Mao ed altri parsunaghji cumunisti di a storia di u mondu. Tandu alleatu di a dritta, hè, anc’eddu difficuli da creda. Cuntinuisci tandu u so discorsu, salutendu a mimoria di l’antichi è prumittendu una rivolta demucratica ind’i so istituzioni.

A a fini di u discorsu di Miralotta, una folla si ne codda fin’à u terzu pianu, induva si trova u scagnu di Cassapi. Da quidda folla, sò scelti 40 di eddi pà entra ind’è u scagnu incù banderi, falci è marteddi. Issi 40 donni è omi vani direttamenti annantu à a terrazza induva si trovani Cassapi, Marie-Christine è Miralotta poi agitani i banderi rossi, i falci è i marteddi di manera veramenti ustensiva.

A mossa pupulari hè vista ind’i ghjurnali cum’è una « tuntia pupulista » di campagna di u P3, in ricerca di ricunniscenza.

Una tuntia pupulari plebiscitata in cità è in altrò, podassi ancù à i prossimi righjunali.

Tandu, a campagna di a squadra di Cassapi cuntinuveghja di fà campagna pà Tata Mariella, incù l’inaugurazioni di a prima petra di a « Piazza di i famosi / Praza di li Erimi ». Pà iss’uccasioni, Tata Mariella si prisenta incù tutta a squadra di u P3, eccettu Miralotta ritinutu à u cunsigliu generali.

Tutti i media si sò spiazzati pà l’aperitivu è u discorsu di Cassapi, tandu briacu.

U discorsu cummincia incù allusioni spiciali à l’anziani merri di a cità, fendu attinzioni d’ùn parlà di l’ultimu merri sucialistu. Parla di u so statutu di ex-sucialistu, di a so ghjuventù in cità. Finisci u so discorsu di manera cunfusa, stunendu à tutti l’usservatori.

A a fini di u discorsu, i camiò incù i megafoni si spiazzani cum’è sempri in cità pà fà a campagna di a candidata. Cusì, a campagna si passa fin’à a sera di u primu ghjiru.

Tandu, a vita cuntinuveghja…

 

 

Lasciate un cummentu ?

This site uses Akismet to reduce spam. Learn how your comment data is processed.