Tempuli : speranza è scunfitta

Quartu capitulu

Pà un paghju di voti…

Versu l’iniziu di u mesi di marzu di u 2015, Francescu finisci a so campagna di manera serena, i sundami essenduli chjaramenti favurevuli. Tandu, u merri pensa pudè vincia i sei cantoni tutti tinuti da sucialisti (13 sott’à l’anziana formula), contr’à binomi di dritta, di manca è FN.

Pà dà un solu asempiu, u cantonu di Francescu  t’hà 5 binomi candidati incù stimazioni dati à titulu indicativu : U PS (Claudia Teresoni/Damien Tirelli – 2 surtanti -28%), u soiu, P3 (incù Adeline Camaroli – 48%), u FN (Micheline Larosa /Lucien Mura – 11%), l’UMP-UDI (Michel Corposa/Lucienne Capirisi – 10%) è Lutte Ouvrière (Mireille Denare-Antoine Gosea – 3%).

Un prublema veni à palisà iss’aspettu pusitivu : l’articuli di ghjurnali contr’à a gestioni municipali assai critichevuli. U merri, tandu, cuntinuveghja a so campagna di manera spurtiva è à forti cadenza.

U ghjornu di u votu, u 22 di marzu, disastru ! Marie-Christine hè malata. Veni sulamenti à vutà, senza pudè tena u scagnu di votu.  U scagnu hè tinutu tandu da Michel Corinna, ch’ùn hà micca l’abitudini di tena un scagnu è ancu di menu di frodà. A participazioni à l’alizzioni ferma a più debuli mai arregistrata dapoi à più di 20 anni, podassi attribuita à u cambiamentu di modu di scrutinu è à a suppressioni di i mascini di votu, quidd’ultimu essendu avà puru manuali.

I dodici candidati di u merri in cità ani a paura di u ritornu di bastonu cuncernandu a pulitica municipali di taddu di l’aiuti à l’associ.

Facini unu à unu u ghjiru di i scagni, videndu i so uppunenti vutà di manera massiccia.

Francescu, eddu, ferma in u scagnu abituali di Marie-Christine. Videndu a participazioni debuli com’è in altrò (in fatti, u tutali hè di 42% à 6 ori di sera), si ni và, annarbatu.

U merri, eddu, rendi una visita ad ogni scagnu, salutendu ad ogni parsona. Parla à i media di l’impurtanza di u scrutinu incù sempri i so sustegni daretu pà muscià l’unità di a so squadra.

A a fini di a ghjurnata, l’uperazioni di voti essendu chjusi, u scagnu di Marie-Christine vedi a so participazioni sfundassi à 34% (342 vutanti) à a sarratura di u scrutinu. Cattivu segnu.

U merri, ch’ùn prisidaia micca u so scagnu, si hè resu in u scagnu n°30., videndu à Michel fà u spogliu.

U so telefunu in modu silenziosu, fighjuleghja à l’uperazioni.

  • “Camaroli – Teresoni – Teresoni – Teresoni – Teresoni – Larosa –Capirisi– Capirisi – Teresoni – Teresoni “ Dici Michel, prununciendu a prima dicina, senza surrida.

A testa di u merri diventa pocu à pocu rossa, poi verdi, poi turchina, poi ghjadda.

Cusì sariani scunfitti Francescu è Adeline ?

Qu’à cela ne tienne! Cum’è si dici.

A prima centinaia attribuisci à u PS 46 voti – UMP à 17 – P3 15 – FN 15 è LO à 2, B/N  5 

Ci voli à dì chì i risultati in cità ùn sò tanti intarissanti. U solu sicuru d’essa elettu essendu puru Miralotta è a so culistiera.

A à fini di u spogliu, u scagnu n°30, incù 289 sprimati, da u PS à 42% (122 voti), l’UMP à 22%, u P3 à 19% (55 voti), u FN à 15 è LO à 2%. Tandu, Francescu è Adeline devini cuntà annantu à l’altri scagni pà pudè qualificassi pà u sicondu ghjiru.

A sera di u 22 di marzu, trè sò i binomi à essa missi in ballottaghju è trè à essa eliminati da u primu ghjiru.

A a fini di u contu, u binomu di Francescu hè in maiò difficultà, à un paghju di voti l’eliminazioni : 13241 alittori, 5119 vutanti : PS : 2 181 voti (42,6%), P3 : 991 voti (19,36%), FN : 985 voti (19,24%), UMP-UDI : 906 voti (17,7%), EXG : 56 voti (1.1%).

Tempoli3-t2.png

Solu Miralotta ghunghji in testa di i voti ind’è u so cantonu, ancu quiddu di Cassapi « Tempoli-1,  La Muralla Vela» : 49,99% davanti à u PS dissidenti. Iss’ultimu si ritira di u sicondu ghjiru, avendu solu raccoltu 16% di i voti.

Pà iss’uccasioni, Miralotta dumanda à i so amichi d’aspittà una sitimana pà pudè renda ufficiali a so alizzioni mà alza dighjà u pugnu in merria.

I cantoni di Tempoli-2 (PS-UMP), 4 (PS – FN) è 6 (PS-DVG) rinviani i candidati di u P3 in casa, incù sempri parcentuali inferiori à 20% : 14,9% in Tempuli-6 , induva u merri avia raccoltu 74% un annu prima, è Miralotta 61,6%.

U merri pienghji, piattatu ind’u so scagnu, solu. I so amichi pensani à cuntattà i candidati – tutti dissidenti di manca – sustinuti da u muvimentu in tuttu u dipartimentu. À una sola eccezzioni, sò tutti in difficultà o simpliciamenti scunfitti, incù parcentuali vicini à 10-14%.

Tandu, s’è eddu pensa à vincia à u massimu 50% di i cantoni in cità, ùn hè micca l’ubiettivu speratu. Eddu faci trè o quattru intarvisti à i ghjurnali, senza essa cuntentu di i risultati, ma spirendu avè meddu u 29 di marzu. Si cunfideghja puru annantu à i prughjetti municipali di taddu di i spesi è di a piazza di i Famosi. Pensa ch’issi prughjetti ani fattu perda più di a mità di l’alittori à i so candidati.

Annuncia chì pensa quantunqua à purtà issi prughjetti fin’à a so rializazioni, ancu s’è l’avvisu di a ghjenti hè cuntrariu à iss’idei.

A sittimana di campagna si passa piuttostu bè, incù un meeting missu in baddu da Miralotta è da Adeline. Duranti issu meeting, a ghjenti canta una canzona : « Si, Cricri Cassapi ! »

 

« Je vais vous raconter

L’histoire d’un enfant gâté

Qui débuta comme enfant de Tempoli

Il a des tas d’amis

49 en furie

Va lutter, va changer tout Tempoli

Odette, Jean-Marie.

François, Jeannine

Bernadette, Claude, Francis et Adeline

Et tous ceux qui suivaient.

Et tous ses colistiers

C’est lui qui faisait battre tous les cœurs

Et quand il arrivait, la foule hurlait : Arriba, si Cricri Cassapi.

On a gagné dès le 1er tour, on f’sait la fête.

Si Cricri Cassapi

Toujours vainqueur, parfois fonceur et toujours sans paresse.

Partout c’était la fête quand il gagnait.

Sauf chez la gauche étêtée.

Cricri Cassapi.

Tout le monde l’appelait Mon Cricri.

Et les femmes craquaient devant lui

Toutes.

La femme du marché, celle qui vendait ses poires et ses paneddi.

La femme du docteur qui n’avait jamais soutenu son mari socialiste.

Et même la syndicaliste de Lutte Ouvrière.

Et même la voisine prostituée d’à côté passait toute sa sainte matinée devant Cassapi TV.

Toutes, je vous dis.

Et même que nous, on savait qu’on allait crever le PS et gagner !

Une riche Américaine, à grands coups de « Je t’aime »

Lui promis d’aller jusqu’à l’Elysée.

Tu seras le plus grand de tous les présidents, lui disait-elle sans peine.

Nous voilà à la mairie de Tempoli,

Emus par ce départ subi.

Le cœur serré ému par ce grand départ.

Il nous a regardés et il s’est décidé !

C’est bien sur Tempoli que je veux régner

Et quand il arriva, Tempoli était là !

Oh Cricri mon amour ! »

 

Issa canzona hà fattu u ghjiru di i reti suciali, incù 1.2 millioni di visti in dui ghjorni.

Tandu, issa canzona hà fattu sminticà un tempu i prughjetti viziosi di u merri è hà podassi datu cunfidenza à i vutanti di a cità.

Issa spiegazioni ùn basta micca pà spiegà i risultati bunissimi di u P3 à u sicondu ghjiru.

Marie-Christine ci sarà par qualcosa, podassi ?

 

U 29 di marzu, sicondu ghjiru.

I sei cantoni di a cità rivotani pà i candidati.

I cantoni 2,4 è 6 ùn sò micca à u centru di l’attenzioni di Cassapi è di a so squadra.

Quidd’altri, sì.

À u scagnu n°30, Marie-Christine hà ripresu u so serviziu. In fatti, cunnosci sempri a so lista è sà comu fà pà frodà.

À sett’ori è quaranta cinqui, faci vena u preti Rascolani pà binidiscia l’urna incù i rami di l’alivi è l’acqua di benedizzioni.

U preti faci a so prighera, laghendu à Marie-Christine, a religiosa, a tacca di frodà bè cum’eddu ci voli.

À meziornu, a participazioni hè di 25% ? Qu’à cela ne tienne ! Una donna bè vistuta veni in sala di votu, pruponi qualchì caffè è da manghjà à a ghjenti fora di a sala, soprattuttu à l’assessori uppunenti. Di più, u scagnu di votu è u quaternu di votu ùn si vedini mancu da fora.

Videndu u colpu di a froda ghjunghja, a sicritaria di u scagnu, sustegnu di Cassapi è aderenti di u P3, dici tandu à Marie-Christine in lingua Tempulisi : “Marie-Christine, mà pastha belti?” / In Corsu : “Marie-Christine, sè tonta o chì?”. Marie-Christine li dumanda di chjuda a so bocca, cunniscendu parfettamenti a lista d’alittori è i so abitudini.

Tandu, Marie-Christine n’apprufitta pà firmà 407 volti (407 pracuri urali) annantu à u quaternu trà i quali 357 parsoni ch’ùn sò micca vinuti à vutà pà i cinqui alizzioni pricidenti. Iss’uperazioni hè fatta in tutta cunniscenza di causa è incù un “Amen + segnu di croci” à a fini.

Un’ora di u dopu miziornu. L’assessori uppunenti rivenini ind’u scagnu. Vedini chì a participazioni hà mori aumentatu. Dupmandani è Marie-Christine chì s’era passatu. iss’ultima rispondi in cunsequenza : “Ùn ci vulia micca à essa fora pà bia u cafè o manghjà. A ghjenti hè vinuta à vutà! Hahahahahaha!”

Cusì, a participazioni di u scagnu di Marie-Christine è stata elevata : 80.1% à 6 ori di sera contru à 34% a una sittimana prima. L’effettu Marie-Christine hà funziunatu à 100%.

Tandu, i risultati sò quì : Francescu è Adeline racoglini 591 voti (74,71%), 200 (25,29%) pà i sucialisti, 10 B/N.

A cuddata hè rapida pà u P3. Passa da 55 voti à 591. U PS da 122 à 200.

Ancu l’altri scagni ani a so participazioni chì cresci di manera forti : 7855 alittori (200 N/B).

A froda hè evidenti.

Annantu à tutti i scagni, incù 7655 vutanti, Francescu è Adeline (P3) vinciani l’alizzioni incù 66,66% (5103 voti) contr’à 33,34% (2552 voti) pà u PS.   U PS guadagna 371 alittori quand’è u P3 ne guadagna 4112.

Tempoli3-t2

Francescu è Adeline fistighjeghjani u so successu incù musica, baddi è discorsu tutta a nuttata. Sarà a listassa cosa pà l’altru binomu P3 in cuncurrenza incù u FN, avendu vintu incù 51.25% di I voti, mentri ch’era à un paghju di voti di a scunfitta à u primu ghjiru anch’eddu.

Miralotta, eddu, hà raccoltu i so 100% di voti. A so festa hè più breva , è tandu briacu, finisci incù un discorsu in Tempulisi, lingua lucali assai vicina à a lingua di a campagna Sassaresa : “Preghiuntani multi tò deu : Tò deu, cà intaressa? Ena cosa digu! Ossì, ena cosa : LU MUNICIPIU! Miralotta : Di Tempuli lu sindacu, im cosa! Deu, lu sindacu beu!”, sia in Corsu : “Certi mi dumandani chì m’intaressa ? Rispondu sempri una cosa ! Iè, una cosa : A MERRIA ! Miralotta, Lu Sindacu di Tempuli, è chì ! Lu sindacu, soc’eiu! »

I ghjurnalisti, eddi, ritenini sulamenti a dichjarazioni di Miralotta, videndu quì un prublema di a maghjurità municipali : quiddu di u traditori.

U lindumani, « La Robbiera Tempulisi », u ghjurnali lucali, faci a so cupartura incù un mottu : « Bas les masques ! »

Bas les masques pà a storia di Miralotta è a so candidatura anticipata à a merria di Tempuli pà u 2020. Tandu alleatu di Cassapi, hà vulsutu metta una sfida, videndu i prublemi di a maghjurità in piazza incù a pulitica culturali.

A a fini di u contu, u P3 guadagna 6 eletti, a manca micca sucialista 2, a dritta 2 è u FN 2.

Micca pocu fieru d’issu risultatu, è ùn pinsendu micca à i dichjarazioni di Miralotta, Cassapi si vedi com’è criatori di rè o « faiseur de roi ». Criatori di rè parchì u cunsigliu generali di a Tempulia, innanzi di manca (30 PS/PCF/PRG – 4 UMP), ùn hà più maghjurità assuluta. In fatti, incù 36 novi eletti, u PS ne hà 8, i diversi gruppi non-sucialisti di centru-manca 4, i “senza etichetta” 4, u P3 6, a dritta non-UMP 4, l’UMP 4, u FN 6. Cassapi spera dà u dipartimentu à a dritta contr’à certi favori finanziarii.

Cusì, u P3 saria assicuratu di mantena a so merria è di podassi piddà a Tulsana Tempulisi à a fini di l’annata.

Tandu, l’alizzioni si metti in baddu è si passa di manera stunenti. U dipartimentu faci eleghja u so prisidenti u 1mu d’aprili : 12 voti pà a manca, 8 pà un candidatu di dritta, 6 pà u FN, 4 pà l’UMP, astinsioni di u P3.

Sicondu ghjiru, listessa.

Tandu, Cassapi cambia di strategia.

Terzu ghjiru, a dritta è l’UMP si ritirani à a dumanda di Francescu è a prissioni esterna di Cassapi.  Tutti i cunsiglieri di dritta è senza etichetta si sò visti prumetta soldi è missioni da a parti di Cassapi pà u so votu.

Risultatu : 12 voti pà a manca, 18 pà a candidatura di u P3, 6 astinsioni FN.

Cusì, incù un colpu di Trafalgar o colpu di poker :  u dipartimentu, pà un paghju di voti, casca ind’i mani di… Ghjorghju Miralotta, u diputatu aurupeu, tandu divintatu più cà « Lu sindacu ».

 

A seguita à u prossimu episodiu…

Lasciate un cummentu ?

This site uses Akismet to reduce spam. Learn how your comment data is processed.